Nintendo sjell së fundmi dy lojëra të reja në dyqanin e saj online të quajtur eShop bashkë me disa demo dhe lojëra të cilat mund t’i bëni pre-order.
Subnautica do t’iu çojë në një aventurë nënujore të mrekullueshme në një planet alien. Ju jeni rrëzuar në një planet ujor dhe rruga e vetme që ju të keni është që të shkoni poshtë. Gjatë aventurës suaj ju do të përballeni me korale, bimë të ndryshme dhe më shumë. Duhet të menaxhoni me kujdes oksigjenin dhe të kini kujdes ndaj kësaj bote të panjohur e cila po aq e bukur është gjithashtu edhe e rrezikshme.
Gjithashtu bashkë me Subnautica do të vijë edhe Subnautica: Below Zero e cila është një chapter i ri në universin e Subnautica.
Rise Eterna është një RPG taktikale e inspiruar nga lojërat më të mira klasike. Ju do të bëheni pjesë e aventurave të ndryshme, do të takoni një larmishmëri karakteresh dhe do të bëheni pjesë e kësaj historie. Ju do të keni mundësinë që të rekrutoni deri në 14 karaktere ku secili ka aftësi unike dhe do t’iu ndihmojnë në përballjet tuaja.
Gjithashtu këtë javë do të gjeni në Nintendo eShop Sam & Max Save the World Demo, Destroy All Humans! dhe Layers of Fear 2.