Sipas studimit të ri më shumë të moshuar po bëhen ‘gamers’

Një sondazh i ri ka treguar se njerëzit e moshuar, të moshës 55 deri 64 vjeç, janë bërë shumë më të interesuar në lojëra, me një tendencë në rritje me mbi një të tretën gjatë viteve të fundit. Po, duket e çuditshme, por lojërat me të vërtetë ofrojnë hapsira ku mund të përfshihen të gjithë.

Pranishmëria e lojërave mobile do të thotë që kënaqësia që vjen nga përfshirja në një lojë të Fortnite, Minecraft, apo edhe Genshin Impact është për çdo moshë. Audrey Buchanan, 88 vjeç, ka shpenzuar më shumë se 3,500 orë në “Animal Crossing” dhe pse larg nga njëri-tjetri, kjo lojë e ka sjellë më pranë me nipin e saj.

Microsoft Flight Simulator 2020 ka gjetur adhurues të panumërt mes baballarëve që i pëlqejnë shumë avionët, dhe këtu përfshihen pothuajse të gjithë baballarët në planet.

“Luajtja e lojërave mund të jenë një mjet fantastik nga i cili mund të përfitojë e gjithë familja, duke ndihmuar anëtarët e moshuar të lidhen me disa nga lojtarët e rinj përmes përvojave të përbashkëta”, tha Dr Lynn Love, një lektor në Artet Kompjuterike në Universitetin Abertay.

“Videolojërat mund të kenë një rol të rëndësishëm për të ndihmuar individët të ndihen të lidhur dhe që pak më shumë përfshirje në video lojë në jetën tonë të përditshme mund të ketë përfitime pozitive të cilat zgjerohen përtej vetë lojës.”

Numri i lojtarëve që janë rreth moshës 55 deri 64 vjeç është rritur me 32% gjatë tre viteve të fundit. Kjo rritje nuk ka të bëjë vetëm me pandeminë.Statistikat janë marrë nga të dhënat e mbledhura nga 19,500 njerëz në të gjithë botën përgjatë viteve 2018-2021.

Për më tepër, 24% e gjyshërve dhe prindërve thanë se lojërat me familjen e tyre janë cilësuar si ‘kohë cilësore’. Do të ishte interesante të shikonim se si disa raunde të lojës Overcooked do ta ndryshonin këtë perspektivë. Antarëve të familjes do u duhej të qëndronin në njërën anë të kuzhinës pavarësisht nga tundimet për të ndryshuar si pasojë e vështirësive që sjell pas çdo raundi loja.