Streamer-ja e LoL ngec 3 orë në një lojë falë trolls

Një streamer Koreane e League of Legends kaloi tre orë e ngecur në një ndeshje ranked përpara se t’i jepej një ban 14-ditor nga Riot.

Kim “kkyuahri” So-Hyun po transmetonte lojën e saj Summoner’s Rift në AfreecaTV, një platform stream Korean i ngjashëm me Twitch, kur dy lojtarë nga ekipi i saj dhe dy lojtarë nga ekipi armik vendosën ta bllokonin atë në një ndeshje të gjatë. Me lojtarët nga ekipi i saj që vrisnin minionët dhe informonin ekipin tjetër për vendndodhjen e saj, ndeshja u zgjat artificialisht në mbi tre orë.

Përpjekjet për të braktisur ndeshjen dështuan për shkak të votimit të shumicës kundër, dhe kkyuahri u vra 120 herë para se të përfundonte loja. Madje duket se ajo hoqi dorë në gjysëm të rrugës dhe filloi të luante një lojë FIFA.

Kkyuahri kishte qëndruar në ndeshje me shpresën për të mos marrë ban apo timeout me pretendimin e të qënurit AFK, por më vonë ajo u ndëshkua me një ban 14-ditor nga Riot. Me sa duket, ishte një ban i automatizuar, i shkaktuar nga një numër i lartë i vdekjeve ose reporteve masive nga bashkëlojtarët e saj.

Në mënyrë zhgënjyese, ndeshja e saj ishte aq e gjatë sa nuk u shfaq në faqen e statistikave të LOL op.gg, duke e bërë të vështirë vërtetimin e asaj që ndodhi. Ndërsa VOD gati nëntë orë është zhdukur tani nga Afreeca, një version i përmbledhur 10-minutësh është ngarkuar në kanalin YouTube të kkyuahri.