Pas një vonese të gjatë për shkak të problemeve të shkaktuara nga pandemia dhe shumë probleme të tjera, Valve ka konfirmuar më në fund se Steam Deck i tij do të vijë në 25 shkurt
Në një postim të kryer nga Valve në blog e tij, kompania është shprehur se do të nis shpërndarjen e Steam Deck më 25 shkurt ku klientët të cilët e kanë porositur duhet të konfirmojnë porosinë. Nëse ata nuk arrijnë dot të konfirmojnë blerjen e Steam Deck, atëherë iu lirohet vendi personave të tjerë që duan të blejnë Steam Deck. Më pas shpërndarja do të nis më 28 shkurt.
Plani origjinal i Valve ishte që të lançonte Steam Deck në fund të vitit 2021 por mungesa e pjesë në rang botëror dhe situata e krijuar nga COVID-19 bënë që planet të shtyheshin për vitin 2022. Dhe më në fund Valve do të sjellë Steam Deck më 25 shkurt.
Çmimi i Steam Deck nis nga 400 dollarë amerikanë nëse merrni pajisjen me 64GB memorie eMMC. Gjithashtu ju mund të zgjidhni edhe midis modeleve me 256GB memories NVMe e cila kushton 529 dollarë dhe modelit me 512GB memorie NVMe e cila kushton 649 dollarë.
Steam Deck do të përfshijë një çipset të veçantë i cili do të ketë një procesor 2.4GHz dhe një GPU RDNA 2. Gjithashtu pajisja do të ketë 16GB RAM LPDDR5. Sipas Valve me këto specifika të Steam Deck ju do të keni mundësinë që të luani lojërat e fundit dhe ta përdorni atë si një PC pa patur problem pjesën e energjisë.