Starbreeze nënshkruan marrëveshjen për Payday 3 me Koch Media

Starbreeze ka hyrë në një marrëveshje për zhvillimin e Payday 3 që pritet të lançohet në 2023.

Njoftimi për zhvillimin e Payday 3 u njoftua për herë të parë në 2017, por në atë kohë Starbreeze ishte në prag të falimentimit, si dhe ish-CFO-ja i saj u akuzua dhe dënua për tregti të brendshme. Megjithatë, lajmet e mira janë që kompania më në fund gjeti një botues për Payday 3 të shumëpritur.

Payday 3 do të publikohet nga Koch Media, kompania mëmë e Deep Silver, por dhe një divizion i Embracer Group, i njohur më parë si THQ Nordic. Kompanitë vlerësojnë që investimi të jetë mbi €50 milion dhe ata thonë se projekti Payday 3 tani është “financuar plotësisht”. Loja do të nisë njëkohësisht për PC dhe konsolat në datën e tij të lançimit ende të paspecifikuar në 2023. Përveç zhvillimit për para-lëshimin e lojës, marrëveshja gjithashtu përfshin “më shumë se 18 muaj lojëra pas lançimit” si një shërbim i vazhdueshëm për lëshimin e përmbajtjes së re dhe marketingut.

Njoftimi më i fundit mbi Payday 3 erdhi në tetor 2020, kur zhvilluesit zbuluan se ishte ende në “fazën e dizajnit” dhe do të përdorte Unreal Engine. Tani, me sa duket, statusi është azhurnuar në “në prodhim”.

Pas gjithë këtyre viteve, Payday 2 mbetet një nga lojërat më të njohura multiplayer në Steam, kështu që këtu shpresojmë që pasardhësja e saj e shumëpritur të përmbushë ato pritje.