Përkundër faktit se industria e video lojërave zakonisht është parë si diçka që i përket vetëm djemve, nëpër miliarda lojtarë të industrisë ekziston një larmi e madhe. PlayStation zbuloi së fundmi se pjesa e saj e lojtarëve femra është rritur në mënyrë të vazhdueshme, me 41% të të gjithë zotëruesve të PlayStation që identifikohen si femra.
Gjatë një takimi të fundit me investitorët, Sony ofroi një pasqyrë të PlayStation dhe mënyrën se si po shkon biznesi. Një nga detajet më interesante ishte fakti që 41% e të gjithë zotëruesve të PlayStation 4 dhe 5 janë femra, një shifër e cila ka kërcyer ndjeshëm gjatë brezave. Sipas Sony, vetëm 18% e të gjitha konsolave PlayStation One ishin blerë nga femrat. Ndërsa nuk u dha ndonjë shifër për PS2 dhe PS3, 41% e të gjithë zotruesve të PlayStation 4 dhe 5 janë femra duke ardhur kështu gjithnjë e më afër ndarjes 50-50.
Arsyet për këtë rritje nuk u zbuluan, megjithatë mund të ketë një numër faktorësh që ndihmojnë. Gjatë gjeneratës së kaluar, lojërat e palës së parë PlayStation kanë ofruar një sasi shumë më të madhe diversiteti, me shumë protagoniste më të dukshme femra. Mund të jetë gjithashtu për shkak të de-stigmatizimit që po ndodh përreth lojtarëve femra të video lojërave.
Pavarësisht nga arsyeja, është mirë të shohësh gjithnjë e më shumë njerëz që interesohen për video lojërat si zhvillues, lojtarë dhe entuziastë. Do të ishte interesante të shihet se si duket ndarja për platformat e tjera.