Call of Duty: Modern Warfare 2 do të lançohet në tetor të këtij viti dhe një testimin beta pritet të zhvillohet së shpejti. Ju mund të merrni akses duke e bërë lojën pre-order por tashmë ju keni mundësinë që të merrni akses beta falas duke ndjekur eventet e CDL.
CDL është eventi i Call of Duty League Championship i cili nis më 4 gusht dhe që fton ekipe të ndryshme të Call of Duty të konkurrojnë kundër njëra tjetrës me një prize pool prej afërsisht 2.5 milion dollarësh.
Dhe nëse keni mundësinë që të ndiqni stream e Call of Duty League Championship, ju do të fitoni shpërblime të ndryshme. Ndër shpërblimet që priten të merren janë tokens për double XP, calling card, emblem, charms, blueprints dhe shpërblimi më i rëndësishëm, akses në testimin beta të Call of Duty: Modern Warfare 2 Beta.
Sipas informacioneve që kemi, shpërblimi për akses në testimin beta të Modern Warfare 2 do të nisin më 7 gusht dhe do të shpërndahen vetëm rreth 50 mijë kopje. Kjo do të thotë që do t’iu duhet pak fat për të fituar akses në beta e Modern Warfare.
Çfarë duhet të bëni për të fituar akses në Beta e Modern Warfare 2?
Fillimisht duhet të shkoni në website e Call of Duty League Championship, të krijoni një llogari në Activison dhe të lidhni atë me llogarinë tuaj të YouTube. Më pas sigurohuni që të ndiqni eventin kur të nis. Shpërblimet për testimin beta do të shpërndahen në mënyrë të rastësishme dhe ju do të merrni një njoftim në website e CDL ose Call of Duty Companion App.
Akoma nuk kemi një datë zyrtare se kur do të nisi testimi beta por disa leaks kanë sugjeruar se do të shohim goxha gjëra të reja dhe të vjetra në të. Ndër to mund të përmendim rikthimin e Infected Mode ose veçori të reja field upgrades të ngjashme me Rainbow Six Siege.