CS:GO është më shumë se një lojë që merr një armë dhe perpiqesh të vrasësh kundërshtarin, lojtarët duhet të krijojnë taktika të detajuara dhe ti bashkojnë me rolet që lojtarët zgjedhin për të përballuar kundërshtarin, kështu që mund të arrijnë në sukses. Më poshtë do të gjeni shpjegimet e roleve në CS:GO:
Lideri në lojë është truri i skuadrës, krijon plane, vendos se ku do të shkohet
dhe çfarë do të bëhet, nga vetitë e liderit duhet të jenë analiza dhe planifikimi.
Lideri duhet të analizojë dhe të jetë një hap përpara kundërshtarit, përshembull nëse jeni një lider i ekpit terrorist duhet të jepni një plan për çdo tur të lojës, nëse do të sulmohet nga A apo B, nëse sulmi duhet të jetë i shpejtë ose i ngadaltë.
Nese jeni një lider anti-terrorist duhet të analizoni mirë hapat e kundërshtarit dhe të poziciononi shokët e skuadrës në vendet e duhura për të përballuar sulmin e kundërshtarit. Lideri është truri i skuadrës i cili përpiqet që ekipi të arrijë suksesin, vetitë më të rëndesishme që duhet të keni për tu bërë një lider janë: duhet të jeni një anilist i mirë dhe duhet të keni gjithnjë një plan B.
“Thyesi i hyrjes” ose sakrifica e parë që bëhet nga skuadra, në pergjithsi luajnë një lojë të ashpër, janë të parët që dalin në sulm dhe në të shumtën herë janë lojtarët e parë që vdesin. Si një terrorist “thyesi i hyrjes” është i pari që vrapon në anën e kundërshtarit. Detyra e tij është që me një hyrje të shpejtë të befasojë kundërshtarin dhe të shpërqëndrojë mbrojtjen. Këto shtyrje me një lojtar mund të bëhen me zgjuarsi, në kohën e duhur, me mbështetjen e skuadrës me flash ose shumë agresive. Një “thyes hyrjeje” mund të vdesë në moment pasi del nga tymi i parë, por vdekja e tij mund të mos jetë e kotë, nëse mund të verifikojë kundërshtarin, atëherë i jep këto të dhëna ekipit dhe lideri mund te krijojë një plan të ri, kështu ai ka plotësuar misionin e tij.
Snajperat e lojës janë lojtarët me distancën më të largët të luftës në lojë.
Ekipi terrorist ka vetëm një snajpër në dispozicion ndërsa ekipi anti-terrorist mund të perdorë edhe dy. Në përgjithësi nga që duan një këndvështrim të gjërë preferojnë të luajnë në qëndër të hartës, reflekse të shpejta dhe durimi janë çelësi kryesor i të qënit një snajper i mirë. Snajperat janë një faktor stabilizues për skuadrën sepse nëse sniperi mban nën kontroll një zonë, shokët e skuadrës nuk do të këne frikë se po vjen dikush nga ajo zonë.
Mbështetës është një terim që përdoret për lojtarët me më pak talent në lojë dhe nuk merr asnjëherë meritat e duhura. Mbështetësit në përgjithësi janë lojtarët më pasifë në lojë dhe nuk bien shumë në sy. Ata janë thjesht aty bëjnë detyrën dhe përpiqen të ndihmojnë ekipin, ndonjëherë krijojnë rrëmujë, ndonjëherë sakrifikojnë veten dhe ndonjëherë fshihen për të befasuar kundërshtarin. Mbështetësit e skuadrave shquhen për aftësitë e tyre të mbijetesës dhe shpeshherë dalin gjallë nga një team fight.
Mund të themi që te gjitha rolet lart punojnë për yllin e skuadrës,
Ylli i skuadrës është ai që ka arritjet më të larta në lojë, për tu bërë më i suksesshëm ai duhet të përdorë duhur të gjitha avantazhet që lojtarët e skuadrës i japin dhe prej tij pritet të sjellë fitoren. Çdo lojtar i CS:GO dëshiron të jetë një yll por roli sjell shumë përgjegjësi me vete, për të qënë një yll ideal dhe për ti dhënë hakun këtij roli duhet të jepni vazhdimisht një performancë të nivelit të lartë sepse nëse humb vetëm një goditje të gjitha mundimet e skuadrës shkojnë dëm.