George Cacioppo, një nga shefat e lartë të Sony, është larguar nga kompania pas paraqitjes së tij në një video të organizuar enkas rreth zbulimit të një pedofili.
Nëpërmjet Grindr, Cacioppo dyshohet se i kërkoi një djali 15 vjeçar favore seksuale dhe ata shkëmbyen foto, duke i thënë djalit se quhej “Jeff”. Ai i dha fëmijës adresën e tij dhe djali u përgjigj se do të merrte një Uber dhe do arrinte në vendndodhje. Megjithatë, personi tjetër në shkëmbim nuk ishte adoleshent dhe në fakt ishte anëtar i ekipit që drejtonte kanalin “People v. Preds” në YouTube.
Videot e tyre paraqesin njerëz të cilët janë kapur duke u përpjekur të angazhojnë fëmijë për aktivitete seksuale dhe Cacioppo ishte individi i 93 që u identifikua nga People v Preds. Në videon e cila është regjistruar në orën 4:30 të mëngjesit, kameramani i afrohet një shtëpie ku Cacioppo, i veshur me një bluzë me logo PS5, po e pret jashtë. Pasi u pa, ish-zëvendëspresidenti i lartë i Sony largohet nga kameramani në shtëpinë e tij, mbyll derën e përparme dhe injoron britmat e kameramanit se ai do të njoftojë zbatuesit e ligjit për aktivitetet e supozuara të Cacioppos.