Zhvilluesit vendosin që sezoni i dytë i Call of Duty Vanguard të shtyhet

Sezoni i ardhshëm i Call of Duty do të fillojë pak me vonesë, falë problemeve të vazhdueshme që mundojnë Warzone, Vanguard dhe Modern Warfare, ka njoftuar Activision. Sezoni i dytë në lojërat multiplayer tani do të fillojë më 14 shkurt, jo më 2 shkurt siç ishte planifikuar fillimisht.

Call of Duty ka pasur disa muaj të vështirë që nga fillimi i sezonit të parë në dhjetor. Nga balancimi i armëve te skinet e padukshme në store, lojtarët e Warzone dhe Vanguard kanë pasur shumë për t’u ankuar. Zhvilluesit thonë “ne i kuptojmë zhgënjimet tuaja dhe ju dëgjojmë me zë të lartë dhe qartë”, dhe shtojnë se ndërsa disa patch janë shfaqur gjatë sezonit të parë, “duhet bërë më shumë”.

“Ne do ta përdorim këtë kohë shtesë zhvillimi për të ofruar përditësime, duke përfshirë optimizimet për lojën, balancimin e lojës (përfshirë balancimin e armëve), për të rregulluar stabilitetin dhe defektet e lojës, dhe për të siguruar një nivel të përgjithshëm të saj për të përmirësuar përvojën për lojtarët në të gjithë Vanguard. , Warzone Pacific, Black Ops Cold War dhe Modern Warfare”, shkruan stafi i Call of Duty në njoftimin e djeshëm.