Bandai Namco ka sjellë lojën e saj më të fundit e cila i transporton lojtarët në një botë ndryshe nga ato me të cilat jemi mësuar. Scarlet Nexus iu çon një botë anime të stilit brainpunk ku krijesa të çuditshme po kërcënojnë njerëzimin. Po çfarë është brainpunk dhe si kombinohet ajo në këtë lojë?
Në këtë botë moderne, avancimet e mëdha në teknologji ka bërë që njerëzit të mund të përdorin aftësi psikike. Por asgjë nuk është ashtu siç duket dhe mistere të shumta fillojnë të shfaqen gjatë zhvillimit të historisë. Diçka tipike e historive thriller action anime.
Scarlet Nexus arrin të shkëlqejë në ndërtimin e botës unike dhe sistemin combat i cili është tepër argëtues si për t’u luajtur po ashtu edhe për t’u parë gjatë përballjeve me kundërshtarët. Por pavarësisht kësaj, disa elementë si dialogët, karakterevet, marrëdhëniet dhe më shumë i ul kënaqësinë dhe potencialin kësaj loje.
Që në momentet e para në lojë, mund të dallohet që Scarlet Nexus është e bërë posacërisht për fansat e anime menjëherë pasi të shohim aspektet vizuale dhe skenat plot aksion. Edhe nëse nuk jeni një fans i anime, aspekti i combat dhe animacionet kanë për t’u bërë për vete.
Në fillim ju do të prezantoheni me dy ushtarë të rinj, Yuito Sumeragi dhe Kasane Randall, ku jepet një histori e shkurtër rreth tyre dhe ku mund të zgjidhni një prej tyre si protagonistin të historisë. Më pas do të nisni një tutorial i cili do t’iu mësojë mekanikat thelbësore të lojës dhe combat i cili na pëlqeu goxha.
Gjatë avancimit në histori ju do të njiheni me mekanika të reja combat si përdorimi i aftësive psychokinesis dhe kombinimin e tyre me aftësi të tjera. Kjo gjë bën të mund që të mësoni çdo gjë avash avash dhe të mos bombardoheni menjëherë në fillim me një mal me gjëra të reja.
Scarlet Nexus iu lejon të manipuloni ambientin që iu rrethon me fuqitë psychokinesis duke goditur armiqtë tuaj me sendet që iu rrethojnë. Por ky është vetëm fillimi pasi gjatë avancimit në histori ju do të keni mundësi të eliminoni kundërshtarët tuaj duke përdorur makina, autobus, materiale ndërtimi dhe më shumë.
Gjithashtu ju do të keni mundësinë të përdorni fuqitë speciale të miqve tuaj në misione të ndryshme. Për shembull, electrokinesis i Shiden mund të bëjë stun armiqtë tuaj kurse Kyoka mund të dyfishojë objekteve me të cilat gjuani për të bërë më shumë dëme. Tsugumi mund t’iu informojë rreth vendndodhjeve të armiqve, Arashi do të ngadalësojë kohën për të bërë gjuajtje më të shpejta dhe më shumë.
Për çdo përbindësh që do të vrisni ju do të merrni XP të cilat iu japin Brain Points. Ju mund t’i përdorni këto në Brain Map e cila është një skill tree ku ju mund të zhvilloni aftësitë dhe mekanikat e combat.
Kombinimi i aftësive dhe skills në Brain Map do t’iu japë mundësinë t’i kombinoni dhe të eksperimentoni me to. Kjo gjë do të sjellë shumë lehtësira dhe argëtim gjatë përballjes me kundërshtarët tuaj duke iu bërë që ta pëlqeni shumë aspektin e combat.
Teksa zhvilloni marrëdhëniet tuaja me karakteret, ju do të keni mundësinë që të përdorni akoma edhe më shumë combo gjatë përballjeve tuaja.
Dhe nëse arrini që të bëni stun plotësisht kundërshtarët tuaj, ju do të mundeni t’i jepni atij finish nëpërmjet një animacioni epik që do t’iu falë një emocion tjetër.
Bota e Scarlet Nexus është e mrekullueshme dhe e ndërtuar bukur. Përbindëshat që ju luftoni të quajtura the Others janë miksim midis kafshëve dhe objekteve të rastësisht. Përballja me këta përbindësha e bën combat akoma edhe më tërheqës dhe angazhues duke iu bërë të ndiheni sikur në fakt po luani një anime.
Fatkeqësisht karakteret dhe elemente të tjera të Scarlet Nexus nuk janë aq tërheqëse dhe emocionuese sa combat. Karakteret nuk kanë zhvillim të madh gjatë zhvillimit të historisë. Ambientet dhe kundërshtarët janë goxha të përsëritur në një nivel të lartë. Këto gjëra i ulin shkëlqimin e madh që Scarlet Nexus ka në gameplay, combat dhe më shumë.
Gjatë çdo skene dhe përballje do t’iu shoqërojë një kolonë zanore e cila do t’iu shtojë akoma edhe më shumë emocione gjatë gameplay.
Ju mund ta mbaroni lojën në më pak se 12 orë nëse luani njërin prej personazheve. Ne iu rekomandojmë që t’i luani të dy personazhet pasi secili prej tyre iu ofron stil të ndryshëm dyluftimi kundër kundërshtarëve dhe kombinimi me miqtë tuaj.
Gjithashtu ju do ta përjetoni historinë ndryshe pasi të dy personazhet kryesore janë të vendosura në ekipe të ndryshme dhe kanë qëllime të ndryshme dhe të veçanta. Kjo gjë bën të mund që të mësoni akoma më shumë rreth historisë së Scarlet Nexus nëse jeni kurioz.
Për ta përmbledhur, Bandai Namco ka sjellë diçka tepër të çuditshme dhe njëkohësisht argëtuese dhe që iu fal kënaqësi nëpërmjet Scarlet Nexus. Pavaërsisht se shumë elementë të saj nuk janë në nivelin e duhur, aspekti i gameplay dhe comabt arrin ta bëjë atë të shkëlqejë. Shpresojmë që në të ardhme të kemi një DLC ose sequel më të përmirësuar.