Grand Theft Auto 3, Grand Theft Auto: Vice City dhe Grand Theft Auto: San Andreas po përditësohen dhe ri-publikohen në platformat moderne më vonë këtë vit, njoftoi Rockstar Games, duke konfirmuar një seri leaks. Treshja e lojërave inovatore GTA do të quhet si Grand Theft Auto: The Trilogy – The Definitive Edition, dhe do të shfaqë gameplay të përmirësuar dhe updates të tjera.
Koleksioni i Rockstar premton “përmirësime të gjithanshme duke përfshirë grafike dhe përmirësime moderne të lojës” për të tre lojërat, “duke ruajtur ende pamjen dhe ndjenjën klasike të origjinaleve”. Rockstar premton më shumë detaje në javët e ardhshme dhe paralajmëron se do të fillojë heqjen e versioneve ekzistuese të lojërave klasike GTA nga shitësit digjitalë javën e ardhshme.