Një informacion i ri ka qarkulluar së fundmi rreth Rockstar Games. Sipas këtij informacioni, Rockstar Games ka në plan që të bërë një remake të lojërave të saj të mëparshme Grand Theft Auto.
Në fillim të këtij viti, disa raporte u shfaqën të cilat tregonin se Rockstar do të sillte tre nga lojërat e saj më popullore, GTA III, Vice City dhe San Andres, si pjesë e koleksioni special remastered me rastin e përvjetorit.
Por kanë kaluar muaj që kur ky informacion u zbulua dhe akoma asgjë nuk është bërë zyrtare. Dhe së fundmi një leaker, Mach1bud, ka zbuluar disa informacione të reja. Sipas tij, të tre lojërat GTA do të bëhen remake duke përdorur të njëjtin engine që Rockstar përdori për GTA V dhe GTA Online dhe se ekziston mundësia që ato të vijnë gjithashtu edhe në Nintendo Switch.
Përvjetori i 20-të i GTA III është në tetor të këtij viti duke na lënë të mendojmë se ky do të jetë muaji kur Rockstar do të zbulojë lojërat e reja remastered.