Rune Factory është një seri e vjetër lojërash spin off të Story of Season e cila ngjason deri diku me lojëra si The Sims ose Animal Crossing. Por ndryshe nga ato, Rune Factory sjell mekanika të veçanta të cilat e bëjnë unike deri diku.
Dhe tashmë seria po sjell një lojë të re të quajtur Rune Factory 5 e cila vazhdon traditën e këtyre lojëra.
Rune Factory 5 nis duke na treguar historinë e një personi i cili ka humbur memoriet dhe e gjen veten në një vend misterioz. Menjëherë pasi të hyni në lojë ju do të keni mundësinë të zgjidhni gjininë e personazhit tuaj dhe gjithashtu t’i jepni atij një emër.
Në kërkim të përgjigjeve dhe të memorieve tuaja, ju përfundoni në qytezën e Rigbarth. Pasi mësoni se ky qytet është duke u sulmuar vazhdimësisht nga përbindëshat, ju vendosni t’i bashkoheni mbrojtësve të kësaj qyteze të cilët quhen SEED.
Kjo ju lejon të pranoni kërkesat nga banorët e qytetit, të luftoni përbindëshat dhe njëkohësisht të vazhdoni hetimet me shpresën për të zbuluar më shumë rreth vetes dhe mistereve të tjera në lojë.
Gjithashtu ju do të keni një kalendar i cili do të shënojë ditët e rëndësishme dhe çdo aktivitet që keni për atë ditë duke iu mbajtur të zënë shpesh. Ju mund të organizoni festivale, të organizoni një event me NPC e tjerë dhe më shumë. Ky ishte një aspekt goxha interesant që Rune Factory kishte.
Por këto nuk janë të vetmet gjëra të cilat ju do të bëni pasi do t’iu duhet merreni me shumë aktivitete, mbani marrëdhëniet mirë me personazhet e tjerë në lojë dhe gjithashtu të merreni me bujqësi. E dëgjuat mirë, të merrni me bujqësi e cila do t’iu japë goxha të ardhura dhe do t’iu ndihmojë të përmirësoni goxha gjëra gjatë udhëtimit tuaj.
Dungeons janë gjithashtu goxha argëtues dhe aty shpenzuam një pjesë të madhe të kohës.
Dhe për sa i përket aspektit të combat, në fillim është pak i ngadaltë dhe të themi të drejtën mund të bëheni lëmsh me butonat e Switch. Por që menjëherë pasi u mësuam pak, combo dhe parry bëheshin goxha argëtuese kombinuar edhe me magjitë.
Përbindëshat me të cilët do të haseni kanë një larmishmëri të madhe duke dhe ngjasojnë me kafshë nga jeta e përditshme si bretkosat, macet, dhelprat, ujqërit dhe më shumë. Dhe pjesa më e bukur është se një pjesë të mirë të tyren mund ta zbusni dhe t’i përdorni në bujqësi ose në combat.
Fatkeqësisht Rune Factory 5 nuk iu lejon të eksperimentoni shumë me armët. Për të mësuar combo e një lloji arme ju duhet të përdorni atë armë specifike duke e bërë pak të bezdisshme dhe të mërzitshme këtë aspekt ndonjëherë.
Dhe ky nuk ishte problem vetëm me combat por me çdo gjë. Çdo gjë behet level up në varësi se sa e përdorni. Kjo do të thotë që një pjesë e gjërave të cilat i përdorni shpesh do të bëhen level up pa e kuptuar duke lënë në hije skills ose mjetet e tjera tuajat.
Dhe gjithashtu ju do të gjeni edhe receta të cilat do t’iu mundësojnë të bëni craft armor, armë, items dhe më shumë. Por ky sistem kishte një problem të madh, pasi ju duhet të eksperimentoni në mënyrë të verbër për të arritur atë që doni. Shpesh herë kjo mund t’iu acaroj dhe ta prish eksperiencën tuaj në lojë.
Dhe çdo gjë që merrni duhet ta kaloni në inventory i cili ishte një problem më vete të themi të drejtën. Me vete mund të mbani një numër goxha të kufizuar duke bërë shpesh herë që të sakrifikoni items të ndryshëm për të mbajtur një më të mirë.
Bota ishte e realizuar goxha mirë por nuk mund të themi të njëjtën gjë për grafikat dhe performancën e Rune Factory 5 në Nintendo Switch. Hasëm shpesh herë probleme me performancën dhe mund të themi që këto nuk ishin grafika “mesatarisht” të mira duke marrë parasysh lojërat e tjera që Switch ka.
Rune Factory 5 përpiqet të ruaj traditën e serisë duke na sjellë një histori të ngjashme me ato të lojërave të kaluara dhe duke e kombinuar atë me mekanika dhe veçori të reja. Por një pjesë e këtyre veçorive dhe mekanikave lënë për të dëshiruar duke prishur një pjesë të eksperiencës në lojë.
Por combat, eksplorimi, dungeons dhe festivalet e ndryshme që mund të organizoni e kompensojnë deri diku eksperiencën tuaj në lojë.