Në rast se nuk arritët që të provonit Riders Republic gjatë kohës që ishte falas, tani është mundësia juaj për të luajtur lojën falas për plot një javë.
Riders Republic është loja më e fundit extreme sports nga Ubisoft e cila do të lançohet më 28 tetor të këtij viti. Por para se të lançohet, Ubisoft ka vendosur që t’iu lejojë ta luani lojën falas një javë para lançimit të saj.
Ju mund të nisni ta shkarkoni dhe luani më 21 tetor dhe do të jetë e vlefshme deri më datën 27 tetor. Dhe nëse kishit në plan që ta blini Riders Republic, tani keni mundësinë që ta provoni paraprakisht para se ta blini.
Gjatë kësaj jave që do të jetë falas, ju do të keni mundësinë që të luani modes të ndryshëm që Riders Republic ofron. Ndër to mund të përmendim, Mass Race, Versus Mode, Tricks Battle dhe Free for All.
Riders Republic do të vijë në PC, PS4, PS5, Xbox One, Xbox Series X|S dhe Stadia.