Keni dëshirë që të përjetoni sporte ekstreme si zbritja e malit me biçikletë ose ski, fluturimi me glide dhe më shumë por nuk mundeni? Atëherë loja më e fundit nga Ubisoft, Riders Republic është loja e duhur për ju.
Fatmirësisht falë miqve tanë të Ubisoft të cilët duam t’i falënderojmë shumë, ne arritëm të kishim akses në Closed Beta dhe do të kemi mundësinë që t’iu sjellim këndvështrimin tonë mbi këtë lojë të sporteve ekstreme të cilën mezi e kemi pritur.
Para se ta provonim dhe bazuar vetëm në trailers, mendonim se loja do të kishte thjesht sfida të sporteve ekstreme nga më të ndryshmet. Dhe Riders Republic arrin ta bëjë këtë gjë më së miri dhe madje arrin të bëj më shumë se aq.
Jo vetëm që ju do të mund të plotësoni sfidat e ndryshme që do t’iu jepen, por do të keni mundësinë që të garoni kundër miqve tuaja deri në gjashtë lojtarë duke e shtuar akoma edhe më shumë argëtimin.
Loja iu ofron shumë argëtim pasi përveç mode ku duhet të arrini vijën e finish sa më parë, ju do të gjeni edhe mode ku do t’iu duhet të bëni stile të ndryshme dhe të merrni sa më shumë pikë. Lojtari me më shumë pikë fiton.
Dhe nëse bëni një gabim papritur, ju do të keni mundësinë të përdorni rewind system e cila iu kthen mbrapsht në një pikë të caktuar. Ju mund ta përdorni këtë kur bëni ndonjë gabim gjatë lojës por e cila do t’iu kthejë vetëm ju mbrapsht duke bërë që miqtë tuaj t’ua kalojnë nëse janë afër
Por kjo nuk mbaron këtu pasi ju do të keni mundësinë që të eksploroni vendet e ndryshme që Riders Republic ofron edhe në Free Mode duke iu lejuar që ju dhe miqtë tuaj të kontrolloni çdo cep dhe të ndryshoni mjetin tuaj të udhëtimit sipas dëshirës. Ju mund të kaloni nga ecja në këmbë në ski, wingsuiting, jetpak, biçikletë dhe më shumë fare lehtë.
Gjithashtu ju mund të gjeni lloje të ndryshme biçikletash, ski dhe më shumë ku secila ka karakteristikat e saj.
Por duhet patur parasysh që loja është akoma në beta dhe sigurisht në të do të gjejmë probleme të ndryshme. Ndër problemet që hasëm ishin bugs të tipit ku nëse përplaseshit me një mur, ju mund të ngecnit në të.
Dhe diçka e cila duhet përmendur është se loja mund të luhet më mirë duke përdorur controller pasi në tastierë ishte pak e vështirë për të manovruar ose kryer lëvizjet.
Riders Republic ka për të ofruar akoma edhe më shumë gjatë lançimit të saj më 28 tetor pasi fatkeqësisht vetëm një pjesë e saj ishte e aksesueshme në Beta. Deri më tani mund të themi që Riders Republic është një lojë e cila ia vlen për të gjithë ata që pëlqejnë sportet ekstreme dhe kanë dëshirë t’i provojnë në një lojë.