Gjatë prezantimit që u zhvillua gjatë ditës së sotshme, RGG Studio prezantoi dy prej lojërave të reja Yakuza qe do të vijnë së shpejti.
Nëpërmjet një trailer të shfaqur gjatë prezantimit, RGG Studio prezantoi lojën e tyre të parë Yakuza të quajtur Like a Dragon 8 ku mund të shohim rikthimin e Kazuma Kiryu dhe Ichiban Kasuga. Like a Dragon 8 do të ketë përsëri aspektin turn-based RPG si Yakuza 7: Like a Dragon dhe pritet të vijë gjatë 2024. Gjithashtu tashmë një pjesë e lojërave të reja të serisë Yakuza do të kenë emrin Like a Dragon. Ndiqni trailer e mëposhtëm për të mësuar më shumë.
Like a Dragon 8 Trailer
Gjithashtu një spin-off për Kazuma Kiryu do të vijë gjatë 2023 dhe do të quhet Like a Dragon Gaiden: The Man Who Erased His Name. Like a Dragon Gaiden: The Man Who Erased His Name do të sjellë përsëri në skenë Kiryu duke na treguar ngjarjet pas Yakuza 6 dhe para Like a Dragon 8. Mësoni më shumë në trailer e mëposhtëm.
Like a Dragon Gaiden: The Man Who Erased His Name Trailer
Gjatë State of Play të PlayStation, u prezantua gjithashtu edhe një remake i spin-off të Yakuza i cili ishte i lançuar vetëm në Japoni. Spin-off quhet Like a Dragon: Ishin! dhe do iu vendos në Japoninë e viteve 1860 ku duhet të luftoni me katana dhe pistoleta. Pritet që loja të vijë në vitin 2023.