Remake i Dead Space do të vijë në Janar të vitit 2023

Electronic Arts zbuloi gjatë ditës së sotshme se remake i shumëpritur i lojës Dead Space është goxha afër gjatë një livestream të kryer së fundmi.

Njoftimi për zbulimin e datës së lançimit të Dead Space ka ardhur gjatë një livestream rreth lojës Dead Space ku do të tregoheshin update, përmirësimet, gameplay dhe shumë veçori të tjera të lojës.

Shumë përfaqësues të studios zhvilluese të Dead Space, Motive, kanë folur rreth lojës dhe ekspektimeve të tyre rreth këtij remake. Ata janë shprehur se janë të emocionuar të shohin reagimin e lojtarëve teksa ata janë duke zhvilluar lojën.

Gjithashtu studioja zhvilluese Motive ka njoftuar se trailers, gameplay dhe shumë video të tjera do të publikohen së shpejti gjatë këtyre ditëve. Data e lançimit për remake e Dead Space do të jetë 27 janar 2023.