Gaming Lajm i Fundit PC PS4 PS5 Reviews Xbox One Xbox Series X|S

Rainbow Six Extraction Review

Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds

Rainbow Six Extraction është një spin-off i lojës Rainbow Six Siege i vendosur në të ardhmen e këtij universi, ku bota është e pushtuar nga një parazit alien. Mësoni më shumë rreth R6 Extraction në këtë review nga GameON.

I frymëzuar nga eventet e Rainbow Six Siege, Extraction ju vendos në SHBA ku do t’ju duhet të luftoni kundër Archaen, që është një racë aliene në formë paraziti. Mënyra e vetme për tu përballur është të përdorni operators, të cilët vijnë me një larmishmëri armësh dhe pajisjesh për të luftuar kundër armiqve tuaj.

Në Rainbow Six Extraction ju mund të luani deri në 3 veta co-op, ku do t’iu duhet të kryeni misione të ndryshme në një larmishmëri vendndodhjesh. Extraction iu sjell një larmishmëri zonash për të vizituar si New York, San Francisco, Alaska dhe më shumë. Secila prej këtyre zonave ka tre misione dhe çdo mision iu jep në mënyrë të rastësishme tre objektiva.

rainbow six extraction

Pas hyrjes në çdo zonë ju do të njiheni me 3 objektivat tuaja dhe prezantoheni me mënyrën se si funksionon çdo zonë dhe objektiv. Kur përmbushni një objektiv ju do të keni dy opsione, të vazhdoni më tej për të kryer objektivët e tjerë ose të ktheheni pas.

Objektivat variojnë nga sfidat e fokusuar në stealth si Biopsy, e cila kërkon që ju të merrni mostra të alienëve të ndryshëm, deri te objektivat ku duhet të eliminoni nests specifike dhe shpesh herë ndodh që të behet një rrëmujë e madhe. Lojtarët e Siege mund të jenë familjarë me misione si Sabotage dhe Rescue, të cilat janë të ngjashme me mode Bomb dhe Hostage në Siege.

Ky është një sistem i tipit rrezik më i lartë, shpërblim më i mirë duke i shtyrë lojtarët që të rrezikojnë më shumë për të marrë një shpërblim më të madh. Gjithashtu ju do të keni mundësinë të ndryshoni vështirësinë e lojës për çdo mision dhe nivele më të vështira do të hapen teksa progresoni në lojë.

Deri më tani operatorët në R6 Extraction janë të bazuar nga R6 Siege dhe kur të nisni lojën ju do të aksesoni vetëm disa operatorë. Pjesa tjetër do të hapet teksa progresoni në lojë.

rainbow six extraction

Secili prej operatorëve që do të keni ka një armë dhe pajisje të veçanta dhe gjithashtu mund të behet level up. Pas çdo niveli të ri që do të kaloni, do t’ju hapet një armë e re, do të përmirësoni pajisjen ose aftësitë tuaja ose do të merrni një perk si ecje më e shpejtë ose recoil më i ulët.

Por bëni kujdes, pasi çdo operator ka një HP të caktuar dhe nëse ktheheni nga misionet tuaja me low HP, operatori që keni përdorur do të bëhet injured dhe do të keni mundësi ta përdorni prapë pasi të jetë shëruar. Dhe nëse ju dështoni gjatë një misioni, ju nuk do të keni mundësi ta përdorni më atë operator. Ju do t’iu duhet të shkoni përsëri në të njëjtin vend ku dështuat dhe të merrni mbrapsht operatorin tuaj.

Progresi juaj në R6 Extraction do të bazohet në Milestones ku secili Milestone do t’iu shpërblejë me pajisje të reja, operator të rinj dhe zona të reja. Ju mund të rrisni Milestone duke marrë XP pas çdo misioni të kryer.

Kur hyni zona të caktuara ju duket vetja sikur jeni në Siege dhe harroni faktin që jeni kundër AI. Ky është një ndër problemet kryesore që hasëm. Duke qenë se iu jep të njëjtën ndjesi, harroni që po luani kundër një AI dhe duhet të përdorni strategji tjetër. Kjo shkaktoi që ndonjëherë të dështonim por që gjithashtu të krijonte edhe situata gazmore.

rainbow six extraction

Gameplay është po aq tërheqës sa Siege, megjithse asnjëherë nuk e kam kuptuar pse nuk ka opsionin jump. Ah po kemi opsionin tjetër për të bërë peak majtas djathtas. Të them të drejtën kundër AI nuk më është dashur kurrë ai opsion pasi nuk është më një lojë taktike PVP.

Armët kanë balancim me njëra tjetrën, megjithëse kishte raste që pistoletat të hynin më shumë në pune pasi mbaronin shpejt plumbat e AR prej fire rate-it të lartë. Edhe shotguns ishin goxha të fuqishëm por kishin tendencën të alarmonin gjithë turmën e alienëve të cilët suleshin nga të gjitha anët.

Vendimi që merrni pas çdo objektive është goxha i rëndësishëm dhe varet nga disa faktorë. Mund të jeni low HP, mund të mos keni plumba mjaftueshëm, ose mund të mos keni një nga shokët gjallë… Në të tilla raste ose do të ktheheni aty ku ka vdekur shoku dhe ta mbani në krahë deri në extraction, ose do të hapni mision të ri për rescue. Megjithëse në hartë ka disa vende ku mund të mbushni ammunition, është e pamundur mos të shkoni në zero. Ka aq shumë alienë dhe disa prej tyre kanë pika të dobëta ku nëse i godisni në pjesë të tjera të trupit nuk po i shkaktoni aspak damage.

Aspekti co-op ishte i organizuar goxha mirë pasi edhe nëse nuk arrini dot të komunikoni nëpërmjet zërit, ju mund të përdorni shortcuts për call outs të ndryshme. Ato ju lehtësojnë goxha punë dhe përmirësojnë ndërveprimin me shokët e skuadrës. Ekziston mundësia të nisni zënka por hey është një lojë demokratike.

rainbow six extraction

Mungesa e një campaign na e prish pak qejfin por të paktën ai që ka blerë lojën, mund të ftojë dy shokë që ta luajnë sëbashku. Gjë që është shumë e mirë sepse Extraction është nga ato lojëra në të cilën të duhet komunikim konstant për ti kaluar misionet sa më thjeshtë. Për më tepër, lojërat co-op shijohen më shumë me miqt se sa me randoms.

Nga ana e grafikave Ubisoft ka qenë gjithmonë mbreti i optimizimit. Kemi përpara një lojë të 2022 dhe një PC mesatar me një GTX 1060 ose RX580 mund të kapi pa frikë 100 FPS. Megjithëse Low dhe High nuk kishin ndryshime drastike nga njëra tjetra, mund të themi se edhe duke e luajtur ne settings më të ulëta, nuk përbën problem për lojën.

Për sa i përket audios, nuk kishte ndonjë gjë speciale për muzikën. Audio ishte shumë preçize nga aspekti surround dhe zhurmat e alienëve të ndryshëm ishin rrënqethëse. Ash dhe Mira ishin narratoret kryesore të cilat herë pas here të shpjegonin me detaje detyrën që kishit dhe tregonin më shumë rreth historisë së lojës.

Nuk mund ta hedhim poshtë punën e mirë që ka bërë Ubisoft por do të ishte më e arsyeshme të ishte një expansion në lojën kryesore se sa një lojë më vete. Me të vërtetë është një lojë e pavarur por më shumë ndihet si një expansion. Gjithashtu edhe mungesa e një mode single-player dhe një fundi të mirëfilltë e ul kënaqësinë e lojës. Sidoqoftë është një vend i bukur për të kaluar një natë të frikshme me alienë me shokët… dhe të ziheni me ta.