Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Rainbow Six Extraction është afër datës së lançimit dhe ne mezi po e presim. Fatmirësisht falë miqve tanë tek Ubisoft ne patëm mundësinë që të provonim një Preview Demo të Rainbow Six Extraction.
Për të gjithë ju që ndoshta nuk e keni dëgjuar më parë, Rainbow Six Extraction është një “spin-off” I lojës popullore Rainbow Six Siege ku ju mund të luani co-op me miqtë tuaj deri në 3 veta. Historia zhvillohet disa vite në të ardhme e universit të Rainbow Six Siege ku një parazit alien ka pushtuar një pjesë të madhe të botës. Tashmë ju duhet të menaxhoni operatorët tuaj dhe të luftoni kundër këtij alieni.
Në Extraction ju do të keni mundësinë të zgjidhni disa nga operatorët që janë aktualisht në Siege si Vigil, Hibana, Lion, Finka dhe më shumë. Ju duhet të zgjidhni një prej operatorëve për të plotësuar misione dhe objektiva të ndryshme si eliminimi i alienëve specifik, mbledhja e monstrave nga alienët dhe më shumë. Deri më tani janë afërsisht 12 objektiva dhe më shumë priten të vijnë.
Problemi i vetëm që hasëm ishte se secili prej këtyre objektivave kërkonte një shpjegim më të mirë pasi bëri që një pjesë të mirë të rasteve, të dështonim fuqishëm. Por kjo krijonte goxha situata gazmore.
Secili prej tyre ka një pajisje ose aftësi të veçantë dhe një arsenal armësh të personalizueshëm. Dhe diçka e re në Extraction, është se çdo operator ka një sistem niveli ku nëse plotësoni me sukses misionet tuaja ju do të merrni XP. Sa herë që e bëni këtë gjë, ju rriteni në nivel dhe ju do të hapni armë të reja tek ai operator.
Dhe nëse operatori juaj vdes gjatë misioneve, ju do ta humbi atë dhe do t’iu duhet të riktheheni në zonën që e keni humbur për ta rikthyer. Gjithashtu ata mund të bëhen injured duke bërë që të mos i përdorni për njëfarë kohe derisa të rikuperohen.
Bota e lojës është e ndarë në qytete të ndryshme ku secili prej tyre ka zona të ndryshme. Pas hyrjes në çdo qytet ju do të njiheni me 3 objektivat tuaja dhe prezantoheni me mënyrën se si funksionon çdo qytet. Gjithmonë ju do të keni dy opsione, të vazhdoni më tej për të kryer objektivët e tjerë pasi të keni plotësuar një objektiv ose të ktheheni pas.
Ky është një sistem i tipit rreziko më shumë, shpërblehu më shumë duke i shtyrë lojtarët që të rrezikojnë më shumë për të marrë një shpërblim më të madh.
Armiqtë me të cilët do të përballeni janë të ndryshëm duke variuar nga ata normalët që mund të vriten lehtësisht dhe deri tek ata që kërkojnë kohë dhe janë më të rrezikshëm.
Për sa i përket stilit të lojës, ai mund të duket i ngadaltë dhe i mërzitshëm në fillim por në fakt është krejt e kundërta. Nëse e luani me miqtë tuaj ju do të përjetoni goxha situata gazmore pasi një gabim i vogël mund t’iu sjellë një mal me armiq. Kjo gjë do iu vendosë në kaos duke iu sjellë goxha situata qesharake.
Në përgjithësi, eksperienca në Rainbow Six Extraction ishte goxha e mirë duke na argëtuar goxha për kohën që e provuam. Duam të përmendim përsëri që ky ishte thjesht një Preview Demo dhe se nuk është versioni përfundimtar i lojës.
Duam të falënderojmë përsëri miqtë tanë tek Ubisoft që na e ofruan këtë mundësi.
