PUBG po fillon të rritet goxha pasi bëhet falas

PUBG: Battlegrounds rikthehet përsëri

Në fillim të këtij viti PUBG vendosi që të vinte falas në Steam pas rënies së madhe të lojtarëve që pati gjatë vitit të kaluar. Dhe mesa duket kjo gjë ka funksionuar duke bërë që popullariteti i PUBG të rritet përsëri deri diku.

Loja e zhanrit Battle Royale, PUBG: Battlegrounds duket se po ecën goxha mirë disa muaj pasi kaloi në free-to-play / falas për lojtarët duke fituar përsëri pak popullaritet. Dhe përveç popullaritetit, gjithashtu edhe të ardhurat nga PUBG janë rritur me afërsisht mbi 20%.

Përveç faktit që tashmë është falas për t’u luajtur, PUBG gjithashtu ka sjellë edhe goxha bashkëpunime të ndryshme ku më e fundit ishte me bashkëpunimi me Assassin’s Creed.

Momentalisht studioja zhvilluese e PUBG, Krafton, është duke u marrë me një lojë të re të quajtur Unknown e cila pritet të zbulohet tek GamesCom bashkë me The Callisto Protocol. Në një njoftim të bërë së fundmi, projekti në fjalë pritet të jetë i bazuar në novelën koreane të quajtur The Bird That Drinks Tears. Më shumë detaje priten të zbulohen së shpejti.