Sensor Tower vlerëson se PUBG Mobile ka gjeneruar më shumë se 1.1 miliard dollarë të ardhura që nga tetori 2020. Për sa i përket të ardhurave bruto (1.1 miliard dollarë që në Tetor), spin-off i suksesshëm i Battle Royale-it popullor që erdhi në mobile, tani ka zënë vendin e dytë në botë, në rankimin e lojërave mobile pas lojës së Tencent “Honor of Kings”.
Po po, e dëgjuat mirë, 1.1B $. Genshin Impact rankohet i treti, me një vlerë prej 873 milion dollarë të ardhurash. Të ardhurat e konsiderueshme dhe pozicioni botëror i PUBG Mobile si numri 2, vjen pavarësisht ban-it të saj të vazhdueshëm në Indi,(komuniteti më i madh i lojës). Në shtator të vitit 2020, qeveria indiane paditi lojën (si dhe shumë aplikacione të tjera të krijuara nga Tencent dhe Netease), duke përmendur “keqpërdorimin e këtyre aplikacioneve për vjedhjen dhe transmetimin e të dhënave të përdoruesve në mënyrë të paautorizuar në serverat e vendosur jashtë Indisë”.
Pezullimi tashmë i vazhdueshëm në Indi ka dëmtuar gjatë PUBG Mobile.
Pas ban-it të shtatorit në Indi, kohët kanë qenë të vështira për PUBG Mobile. Sipas “Business of Apps”, PUBG Mobile ishte në një rritje të qëndrueshme të përdoruesve aktivë të përditshëm, duke arritur 65 milion deri në tremujorshin e parë të vitit 2020. U vlerësua se 24% e shkarkimeve të aplikacioneve erdhën nga India. Por ban-i në Indi e preu këtë rritje drastikisht. Në dhjetor të 2020, përdoruesit aktivë ditor e PUBG Mobile, u vlerësua në 30 milion lojtarë – një tkurrje 53%.
Në një përpjekje për të hequr pezullimin në Indi, Krafton – kompania mëmë e zhvilluesve PUBG Mobile Bluehole – është përqendruar në tregun Indian duke krijuar vende të reja pune për të operuar në departamentin Indian dhe duke investuar mbi 100 milion dollarë duke i dhënë favor qeverisë së Indisë, por pa rezultat, të paktën kështu thuhet sipas të brendshmëve të industrisë. Por nuk do të ketë ndonjë mrekulli të madhe, pasi PUBG Mobile do të vazhdojë e pezulluar në Indi.
Ndërkohë, fansat e PUBG Mobile janë në pritje të PUBG Mobile New State – daljen e re futuriste të lojës, e vendosur të nisë diku nga 2021 – edhe pse ka gjasa që gjithashtu të mos aksesohet në shtetin Indian.