Lojërat online, në të gjithë botën po rriten masivisht me miliarda dollarë të gjeneruar prej tyre. Qofshin lojëra PC apo lojëra Mobile, të dy tregjet janë e ardhmja e lojërave online. Sipas raporteve të fundit nga Sensor Tower, PUBG Mobile ka kryesuar listën e lojërave më fitimprurëse në botë për gusht 2021.
Loja fitoi afërsisht 270 milionë dollarë në shpenzimet e lojtarëve, të cilat përfaqësuan 4.7 % rritje nga gushti i vitit 2020. Rreth 61.4 % e të ardhurave të PUBG Mobile ishin nga Kina, ku është lokalizuar si Game For Peace, e ndjekur nga 9 %nga Shtetet e Bashkuara dhe 6.5 % nga Turqia.
Vendi i dytë në listën e përgjithshme fituese ishte Honor of Kings. Loja krijoi 256.2 milion dollarë të ardhura bruto, të cilat përfaqësuan afërsisht 3 % rritje vit pas viti nga gushti i vitit 2020. Rreth 95 % e të ardhurave të Honor of Kings ishin nga Kina, e ndjekur nga 2 % nga Tajvani. Loja tjetër me fitime të larta ishte Genshin Impact nga miHoYo, e ndjekur nga Fate/Grand Order nga Aniplex i Sony dhe Pokémon GO nga Niantic.
Sipas raporteve, tregu global i mobile gjeneroi 7.7 miliardë dollarë nga shpenzimet e lojtarëve në App Store dhe Google Play në gusht 2021, duke shënuar një rritje prej 8.6 % nga viti në vit.