Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Presidenti i Sony beson se lojërat do të kërkojnë me shumë kapital dhe forcë punëtore tani që grafikat janë më të detajuara.
PlayStation 5 dhe Xbox Series X të dyja do të lançohen këtë vit, duke filluar kështu gjeneratën e re të konsolave dhe duke na dhënë ne pamjen e parë të kapacitetit që PS5 mund të ketë, mbi të gjitha pas demonstrimit të Unreal Enigne 5 që tashmë kompania e ka treguar. Por të prodhuarit grafika kaq të detajuara nuk do të jetë e lirë dhe mund të sjellë në rritjen e kostos së zhvillimit të këtyre lojërave AAA.
CEO dhe presidenti i Sony Interactive Entertainment, Jim Ryan, ka folur në një intervistë për koston që mund të ketë krijimi i një loje që do të duket si videoja e zbulimit të Unreal Engine 5 dhe përfundimi ishte që do të kushtonte shumë.
“Mendoj se teknologjia është ajo që mundëson që ana e grafikave të bëhet më interesante dhe e ngjashme me jetën reale, kështu edhe lojërat bëhen pak më intensive për tu prodhuar,” tha Ryan duke vënë në dukje se: “me shumë gjasa do të ketë një rritje në koston e zhvillimit të tyre.” Gjithsesi, ai nuk pret që këto ndryshime të jenë shumë ekstreme dhe që kjo rritje të jetë masive.
Sony ka thënë më parë se do që të shohë një turn më të shpejtë të ndërrimit të gjeneratës së konsolave dhe Ryan thotë që kjo ndodh sepse duan që: “të mundësojnë një bazë më produktive për njerëzit që i bëjnë lojërat, që edhe ata të gjejnë mundësi monetizimi.”
Teksa Ryan është duke folur specifikisht për PlayStation 5, komentet e tij ka shumë mundësi që të jenë të vlefshme edhe për Xbox Series X.
