Travis Scott i bashkohet PlayStation si “partner krijues strategjik”

Cactus Jack dhe PS5 bashkohen së bashku.

Travis Scott do i bashkohet familjes së PlayStation si “partner krijues strategjik”, njoftoi Sony sot.

Sony tha se është “pasioni i përbashkët për gaming dhe kreativitetin” me Travis Scott, që ka sjellë në këtë bashkëpunim me të dhe brandin e tij: Cactus Jack, për të “prodhuar projekte inovative.”

“Mezi po pres të mund të tregoj çdo gjë që Cactus Jack ka punuar me Sony dhe me ekipin e PlayStation,” tha Travis Scott në një deklaratë. “Më e rëndësishmja, jam i emocionuar të shoh se si fansat dhe familja e PlayStation do të reagojë ndaj kësaj.”

Videoja e mësipërme, e krijuar nga Travis dhe Cactus Jack, u krijua për të festuar partnershipin e ri mes dy palëve. Videoja tregon disa nga njerëzit që punuan në aspekte të ndryshme të PlayStation 5, sipas Sony.

“Travis është një artist shumë inovativ, që vazhdimisht të habit dhe shtyn limitet e tij, pak a shumë si brandi i PlayStation, ndaj mendojmë se është një zgjedhje e përsosur,” u shpreh Sony për këtë partnership.

PS5 do të lançohet për pak javë në disa rajone në datë 12 nëntor dhe më pas në pjesën tjetër të botës në 19 nëntor.