Trailer i ri na tregon më shumë rreth Deathloop

Deathloop, një lojë ndryshe nga të tjerat ku do t’iu duhet të memorizoni gjithçka

Deathloop është loja më e re që do të vij nga publikuesi Bethesda dhe kompania zhvilluese Arkane Studios. Trailer i ri u zbulua gjatë eventit të Playstation 5 dhe na prezanton me më shumë detaje rreth kësaj loje.

Sfida e vertetë e Deathloop nuk aq e thjeshtë sa eliminimi i tetë personave të ndryshëm brenda një dite përpara se time-loop të rifilloj nga fillimi. E gjithë kjo në vetvete është pothuajse e pamundur sepse nuk ka kohë të mjaftueshme për të shkuar tek secili prej shënjestrave. Por nëse ju bëni disa ndryshime kjo gjë mund të bëhet e mundur.

Nga traileri mund të shohim se një pre shënjestrave, Aleksis Dorsey, organizon një festë pothuajse çdo natë. Kjo festë është një mundësi e shkëlqyer për të vrarë disa shënjestra në të njëjtën kohë ose siç është thënë në trailer “Një Gurë, dy zogj”. Problemi qëndron se një prej personave që ai duhet të vras, Egor Serling, nuk shkon asnjëherë në parti pasi çdo mëngjes gjatë time-loop ai bën një zbulim të madh shkencor dhe është tepër i zënë për të marrë pjesë në festë.

Në mënyrë që Serling të marrë pjesë në party, do t’iu duhet të sabotoni laboratorin shkencor ku u bë zbulimi duke bërë të mundur që Serling të marrë pjesë në festë. Deathloop nuk është një lojë e zakonshme si gjithë të tjerat, është të mësoni oraret dhe veprimet e çdo personi duke krijuar planet tuaja të veprimit. Duke krijuar këto plane ju do të keni mundësinë të eliminoni secilin prej shënjestrave tuaja brenda kufirit kohor.

Por gjatë ekzekutimit të planit tuaj mund ta hasni disa pengesa. Një lojtar tjetër mund t’iu ndërpres gjatë kohës që ju po luani me qëllimin e vetëm që ka i cili është t’iu eleminoj ju. Loja pitet të vijë gjatë fillimit të 2021.