Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Para pothuajse 2 vitesh Sony lançoi konsolen PlayStation 5 e cila pati goxha sukses kudo në botë. Dhe tashmë sipas disa informacioneve të zbuluara së fundmi, Sony po planifikon të sjelli një model të ri PlayStation 5.
Ky raport ka ardhur nga Insider Gaming, i cili ka konfirmuar nga burime brenda Sony se një model i ri i PlayStation 5 pritet që të vijë së shpejti. Por fatkeqësisht sipas këtij raporti ne nuk do të kemi një model PS5 Pro por diçka krejtësisht ndryshe.
Çfarë të reje do të sjellë modeli i ri i PS5?
Sipas informacionit që kemi, modeli i ri i PS5 nuk do të ketë edhe aq shumë ndryshime nga modeli që kemi tani përveç disa gjërave të vogla. Por ndryshimi më i madh që pritet të ketë ky model është fakti që do të ketë një disc drive portativ.
Për të gjithë ju që po pyesni veten se cfarë është kjo, disc drive portativ do t’iu mundësojë të përdorni disqet e PS5 edhe nëse PS5 juaja është versioni Digital i cili nuk ka vend për disk. Thuhet se disc drive do të mund të lidhet me PS5 nëpërmjet një porte USB-C e cila do të jetë e krijuar për këtë punë.
Pritet që Sony ta shes këtë pajisje të re bashkë me PS5 ose më vete. Kjo na lë të mendojmë se versioni normal i PS5 në të cilën mund të përdorni disk do të dalë jashtë qarkullimit, duke lënë në qarkullim versionin Digital të PS5 bashkë me pajisjen portative disc drive. Pritet që ky model i ri i PlayStation 5 të vijë rreth shtator të vitit 2024.
Besojmë se kjo gjë po kryhet në mënyrë që Sony t’i shtyjë lojtarët e saj të blejnë versionet digjitale të lojërave. Arsyet se pse mund ta bëj këtë gjë nuk dihen akoma. Gjithashtu duhet të keni parasysh se akoma asgjë nuk është e konfirmuar plotësisht.
