Sipas Sony, PS5 ka lineup-in më të mirë të lojërave në historinë e PlayStation

PlayStation 5 dhe Xbox Series X do të lançohen të dyja këtë vit, por çfarë do të mund të luajmë ekzaktësisht në këto konsola? Lista që ka XSX duket pak e dobët me vonimin e lançimit të Halo Infinite, por Senior VR i marketingut të Sony Interactive Entertainment, Eric Lempel, duket se ka goxha vetëbesim për atë që do të ofrojë PS5. Sipas tij lista e lojërave që do të sjellë PS5 do të jetë më e fuqishmja në historinë e PlayStation.

“Kontenti që do të jetë në periudhën e lançimit është shumë emocionues. Do të thoja se ky është një nga lineup-et më të mira në historinë e PlayStation. Kemi zbuluar një pjesë të këtij kontenti dhe natyrshëm ka edhe gjëra të tjera që ende i kemi lënë pa njoftuar. Mënyra se si zhvilluesit mund të ndërveprojnë me këtë platformë dhe të krijojnë këto eksperienca me IP të njohura dhe të panjohura është shumë emocionuese,” është shprehur ai.

E gjitha kjo duket shumë fantastike, por fundja Lempel është përgjegjës për marketingun, ndaj ndoshta edhe po i ekzagjeron pak gjërat. Mund të klikoni linkun këtu për listën e plotë të lojërave që dihen se do të vijnë deri më tani për PlayStation 5.