Përdoruesit e PS5 po luajnë gabimisht versionin e PS4 të CoD: Black Ops Cold War

Përdoruesit e PS5 mund të jenë duke luajtur gabimisht versionin e PlayStation 4 të Call of Duty: Black Ops Cold War. Nëse blini Cross-Gen bundle ose Ultimate Edition, atëherë merrni edhe versionin e PS4 edhe të PS5.

Pasi ta keni blerë lojën në PlayStation Store, ju do të mund të zgjidhni se cilat pjesë të Black Ops Cold War doni të shkarkoni. Këtu u bënë pak lëmsh përdoruesit.

Një pjesë e mirë e lojtarëve kanë zgjedhur ‘download all’, me idenë që të kenë të shkarkuara të gjitha mode-t. Pasi të keni bërë këtë, duket se PS5 mund të shkojë automatikisht në versionin e PS4 kur ju shtypni butonin play.

Për të luajtur versionin e PS5 , ju do të duhet të shtypni tre pikat pranë ikonës së play dhe ta ndryshoni përzgjedhjen tuaj në versionin e PS5. Nga kjo pikë e tutje duhet të jeni në rregull.