PlayStation 5 do të lançohet në 12 nëntor për $499 dhe $399

Më në fund po vjen.

Gjenerata e ardhshme e PlayStation po vjen së shpejti. PlayStation 5 do të lançohet në 12 nëntor për $499 në SHBA dhe disa rajone të tjera. Sony e njoftoi këtë në një livestream të mbajtur dje.

Digital Edition i PS5, që nuk ka portën e CD brenda, do të lançohet në të njejtën ditë për $399. Përtej mungesës së Blu-Ray disc drive, nuk ka ndonjë diferencë të madhe mes dy modeleve.

Data e lançimit për 12 nëntor është për në: SHBA, Japoni, Kanada, Meksikë, Australi, Zelandën e Re dhe Korenë e Jugut. Për pjesën tjetër të botës, konsola do të vijë në 19 nëntor.

Fansat dhe gamers rreth e qark botës kanë pritur me muaj të tërë për lajmin e lançimit të PS5, që kur u tregua fillimisht në qershor. Sony po e mban premtimin e saj për të lançuar konsolën e re në fundvitin e 2020s. Pre-orders janë live që sot.

Sa për krahasim, Xbox Series X do të lançohet për $499 dhe Series S do të jetë $299. Të dyja këto në datë 10 nëntor. Më parë PS4 u lançua për $399 dhe PlayStation 3 u lançua për $599.

Kishte dyshime nëse konsola do të mund të vinte në 2020n për shkak të gjendjes së shkaktuar nga pandemia e COVID-19, por duket se gamers do të mbeten të kënaqur, pasi të dyja kompanitë dhe Sony dhe Microsoft e përmbushën premtimin e tyre.