Eventi i madh i Sony për PS5 do të mbahet të enjten

Sony konfirmoi se eventi do të mbahet në 11 qershor.

Sony shtyu eventin e planifikuar online të PlayStation 5 javën e kaluar, nga respekti që kishte për protestat në SHBA dhe mbarë botën ndaj rracizmit dhe dhunës policore. Tashmë ka ardhur koha që të mosjmë datën e re të këtij eventi. Kompania njoftoi se ai do të mbahet në 11 qershor.

Në këtë event Sony mendohet të tregojë pamjen e parë për konsolën e gjeneratës së ardhshme, PlayStation 5. Gjithsesi, mendohet që nuk ka për t’i zbuluar të gjitha detajet, si çmimi ose data ekzakte e lançimit në treg. Sony gjithashtu pritet të sjellë evente të tjera të njëpasnjëshme që do të pasojnë njoftimin e konsolës.

Planet promocionale të kompanisë padyshim që janë ndikuar nga pandemia e COVID-19, por lajmi i mirë është që planet e lançimeve nuk kanë ndryshuar. Një raport financiar që kompania publikoi së fundmi, risiguroi se “PlayStation 5 vazhdon të jetë planifikuar për lançim në fundin e këtij viti”. 

Sigurisht që ky lajm vjen paralel me kohën që edhe Microsoft është duke u përgatitur për promocionin e tij të Xbox Series X. Teksa kompanitë do të kenë gjithmonë rivalitetet e tyre, këto janë vetëm lajme të mira për komunitetin e gaming.

Ndërkohë le të presim dhe të shohim se çfarë do të sjellë Sony për ne në 11 qershor.