Abonuesit e PlayStation Plus do marrin falas një nga lojërat më të mira të 2021

Abonimi i ri i PlayStation Plus pritet që të vijë në muajin qershor bashkë me shumë veçori dhe lojëra të reja falas. Dhe mesa duket është zbuluar se një nga lojërat më të mira të 2021 ekskluzive të PlayStation do të vijë falas me këtë abonim.

I gjithë ky informacion vjen nga një intervistë e Eurogamer me studion e Housemarque të cilët folën për lojën e tyre Returnal që fitoi çmimin BAFTA si loja më e mirë e vitit të kaluar. Dhe siç mund ta merrni me mend, loja që do të vijë falas me abonimin e ri të PlayStation Plus do të jetë Returnal.

Në intervistën e përmendur, një prej drejtuesve të studios Housemarque, Ilari Kuittinen, është shprehur se abonimi i ri i PS Plus do t’i jap Returnal vëmendjen e duhur që meriton. Dhe kjo na informon se Returnal do të jetë një ndër lojërat falas që do të vijë me abonimin e ri në PS Plus.