Sony njoftoi përmes blogut zyrtar të PlayStation se po punojnë për një beta të ri të software-it PS5, megjithëse është vetëm një version i kufizuar, qëllimi i tyre është “të sjellin këto përditësime të PS5 në komunitetin tonë global më vonë këtë vit”. Megjithëse nuk ka një datë zyrtare të lëshimit se kur këto përditësime do të lëshohen.
Njoftimi i daljes së videos HDMI 1440p është kryefjala dhe ndoshta më e këndshme për ata me televizorë dhe monitorë të mirë. Kjo veçori e re u mundëson lojtarëve të zgjedhin një cilësim krejtësisht të ri vizual, por vetëm me lojëra që e mbështesin atë. Gjithashtu mjaft emocionuese është veçoria “Gamelists”, e cila synon “ta bëjë organizimin e lojërave tuaja edhe më të lehtë”. Është një lajm i mirë për ata prej nesh që kanë nevojë për një library të rregullt.
Në skedën “Your Collection”, ne thjesht zgjedhim “Create Gamelist”, më pas zgjedhim se cila përzgjedhje e lojërave hyn në të. Do të jemi në gjendje të kemi deri në 15 lista lojërash, me deri në 100 lojëra në secilën listë. Ngjashëm me një listë muzikore të Spotify, i njëjti titull mund të shtohet në më shumë se një listë lojërash.
Gjithashtu i përfshirë në përditësim është aftësia për të krahasuar audion 3D dhe stereo, akses më të lehtë në aktivitetet të ndërprera, një ekran për ndarjen e kërkesave, një njoftim për lojëra që mund të bashkohen dhe shumë veçori të tjera që mund t’i shikoni këtu!