A është kjo e ardhmja e videolojërave?
A është kjo e ardhmja e videolojërave?
Alienware njihet më së miri për laptopët e saj të mëdhenj gaming, por në CES 2020, kompania tregoi një prototip të ri interesant, Concept UFO. Është një PC plotë me lojëra Windows 10, i zvogëluar në një formë shumë të ngjashme me një Nintendo Switch, i kompletuar me controller të shkëputshëm dhe një platformë lidhëse për ta lidhur atë me një TV ose monitor.
Concept UFO përbëhet nga katër pjesë: ekziston një njësi kryesore “kokë”, e cila ka një ekran 8 inch, rezolucion 1200p; baterinë; dhe të gjithë pajisjet e përpunimit dhe grafikës. Ekzistojnë dy controller, të cilët bashkohen përmes një sistemi magnetik të kënaqshëm. Dhe ekziston një njësi “shpërndarëse” që është e ngjashme me controller-in Joy-Con, e cila lejon të dy gjysmat e controller-it të veçantë të kombinohen në një controller të vetëm për të luajtur ose në njësinë e ‘head’ ose në një monitor të lidhur.
Portet USB-C janë të vendosura në pjesën e sipërme dhe të poshtme të Concept UFO, të cilat mund të përdoren për të karikuar pajisjen dhe për ta lidhur atë me një monitor të jashtëm. Duke pasur parasysh që UFO Concept ekzekuton rregullisht Windows 10, mund të përdorni gjithashtu ato porte për të lidhur një maus dhe tastierë për t’u përdorur si një PC i rregullt.
E gjithë pajisja peshon nën 2 kg, që është më shumë se tre herë ajo që peshon Switch. Mund të themi që duket shumë stil Alienware gjithashtu, me plastikë të bardhë, thekse gjashtëkëndëshe dhe kënde të mprehta kudo.
Prototipi i provuar ishte çuditërisht funksional, me demo funksionale të një larmie lojërash, duke përfshirë Rocket League, F1 2019, dhe Mortal Kombat 11. Natyrisht, ato nuk janë grafikat më të mira që janë parë ndonjëherë, por gameplay ishte goxha i mirë dhe pa probleme, dhe dukej shumë më mirë sesa portet e krahasueshme në një Switch.
Concept UFO përmban një lançues të personalizuar në krye të Windows 10, por programi themelor është akoma Windows standard; lëshimi i një loje si Rocket League në të vërtetë sjell dialogun e zakonshëm për lançimin e Steam.
Dhe është këtu ku potenciali i Concept UFO qëndron. Nintendo Switch ka parë një sukses të madh thjesht duke marrë lojëra ekzistuese të konsolit, si Skyrim, The Witcher 3 ose Overwatch, dhe duke i ofruar ato në një formë portative që mund të luhet kudo. Por këto lojëra ende kërkojnë nga zhvilluesit t’i transferojnë ato, dhe shpesh rezultojnë në rënie grafike ose performancë të dobët (për të mos përmendur kërkesën për t’i blerë ato përsëri).
Sidoqoftë, një kompjuter gaming portabël me Windows mund të ofrojë të njëjtën bibliotekë lojrash që mund të ketë një laptop ose kompjuter i rregullt lojërash, që është një koncept vërtet intrigues.
Alienware nga ana tjetër nuk pranoi të flasë për ndonjë prej pajisjeve që mund të përdorin Concept UFO, kështu që ne nuk kemi një ide të qartë se çfarë specifikash janë ofruar këtu ose çfarë kalibri loje mund të funksionojë. Jetëgjatësia e baterisë është një tjetër pikëpyetje kryesore; pasi nëse bazohemi në Switch, bateria e të cilit nuk zgjat më shumë se disa orë të pakta, është e vështirë të imagjinohet se Concept UFO do të performojë shumë më mirë, duke pasur parasysh kërkesat e rritura grafike. ‘Cooling’ është gjithashtu një faktor që ndikon, madje vetëm duke luajtur Rocket League, fansat e Concept UFO tashmë ishin të ekzaltuar.
Nuk ka asnjë konfirmim që Alienware do ta kthejë ndonjëherë Concept UFO në një produkt aktual. Tani për tani, prototipi është thjesht ai që është: një prototip. Por edhe në këtë fazë të hershme, është një vizion i guximshëm se si mund të duket e ardhmja e lojërave PC. Edhe nëse ky hardware i saktë nuk del në treg, ne jemi të entuziazmuar të shoh se si Alienware (dhe pjesa tjetër e industrisë) implementon këtë ide.