Në mars të vitit 2020, një rrjet i madh cheat-eve të video lojërave u raportua në policinë kineze. 12 muaj më vonë dhe ky operacion tani ka përfunduar, duke pretenduar se shënon kapjen më të madhe të një ofruesi cheat-esh në historinë e lojërave.
Ofrimi i cheat-eve është bërë një biznes jashtëzakonisht fitimprurës në vitet e fundit. Lojtarët në një shumëllojshmëri lojërash ishin në gjendje të blinin cheat të përkohshme përmes këtij shërbimi tashmë të ndaluar. Këta ofrues thuhet se kanë fituar më shumë se $10,000 çdo ditë duke shitur boost-e në lojë. Nga wall-hacks te aimbots, të gjitha llojet e cheat-eve ishin në ofertë. Në total, operacioni fitoi më shumë se $764 milion përpara se të mbyllej më 26 mars, 2021.
The Chinese police known as Kunshan police were working with Tencent Games to take down the biggest Cheat provider based in China they were Jailed and around $46m in assets were Seized this is the BIGGEST GAME Cheating provider bust ever
— Anti-Cheat Police Department 🕵️ (@AntiCheatPD) March 28, 2021
Cheaters never prosper what a big win pic.twitter.com/WBfkjNiP2g
“Pas marrjes së informacionit, policia e Kunshan mbylli 17 faqe në internet dhe arrestoi 10 shitës.” përshkruhet në raportin zyrtar. Shitësit e këtyre cheat-eve blenë automjete luksoze “deri në koston e $20 milion”. Për më tepër, ata i përdorën fitimet për të blerë prona si dhe monedha virtuale.
Ndërsa shërbimi i cheat-eve u përdor më së shumti në tregun kinez, kjo organizatë thuhet se shiste hacks globalisht. Lojërat celularë ishin fokusi kryesor i këtyre cheats, me një theks të madh në hacks për third-person shooters. Megjithatë, cheats për tituj të njohur si Overwatch dhe madje Valorant ishin në dispozicion.
Lojtarët blinin “subscription keys” për të përdorur hacks për një periudhë të caktuar kohe. Kushtonte afërsisht $10 për një ditë aksesi, $50 për një javë, ose $200 për një muaj, sipas raportit.
“Arsyeja që është ndalimi i cheat-eve më i madh në botë”, është për shkak të tre faktorëve kryesorë, shpjegoi policia e Kunshan.
“Së pari, sepse këtu përfshihen shuma të mëdha parash. Së dyti, ka shumë lojëra të përfshira. Lojëra nga vende të tjera përveç Kinës janë të përfshira gjithashtu. ”Faktori i fundit është thjesht për shkak të përfshimit të madh të përdoruesve.”
Pavarësisht se kanë bërë të paktën para me pesë shifra në ditë, këtyre ofruesve iu është sekuestruar pasuria dhe po përballen me burgut.
Me një nga ofruesit më të madh të cheats që tashmë është kapur, policia kineze siguroi se ata “do të vazhdojnë të punojnë akoma shumë për të ruajtur mjedisin e lojrave”.