Pokémon Unite do të ketë një battle pass

Pokémon Unite, ka hyrë në një fazë të re beta në Kanada dhe lojtarët kanë filluar të japin përshtypjet e tyre të para për lojën. Dhe një leaker i Pokémon ka shpërndarë një foto ku tregohet battle pass në menunë e Pokémon Unite.

Pokémon Unite është një lojë MOBA F2P (falas) që do të publikohet në platformën mobile dhe në Nintendo Switch. Zhvilluesit e kësaj loje janë The Pokémon Company dhe TiMi Studios, të cilat janë në pronësi të Tencent Games. Versioni i parë i beta-s u publikua në Kinë dhe së fundmi është publikuar edhe në Kanada.

Battle pass-i përfshinte një version premium që mund të blihet me kupona të artë dhe një version falas me gjysmën e shpërblimeve. Versioni premium përfshin artikuj kozmetikë që mund të jenë ekskluzivë. Imazhi gjithashtu përfshin një kategori ‘Missions’, e cila ka të ngjarë të shpërblejë XP për të bërë unlock nivele në battle pass pas përfundimit të tyre.

Publikuesit nuk kanë dhënë ndonjë informacion në lidhje me datën e publikimit të beta-s në rajonet e tjera, por do të jemi në pritje për leaks të tjerë nga kjo lojë.