“Eshtë e qartë që kemi marrë një vendim të gabuar këtu”, tha Jim Ryan, presidenti i Sony Interactive Entertainment në një postim në Blogun e PlayStation. Ryan tha se hyrja në PlayStation Store për PS3 dhe PS Vita, e nisur përkatësisht në 2006 dhe 2011 do të vazhdojë.
“Kur ne fillimisht erdhëm në vendimin për të përfunduar mbështetjen e blerjes për PS3 dhe PS Vita, ajo lindi nga një numër faktorësh, duke përfshirë sfidat e mbështetjes së tregtisë për pajisjet e vjetra dhe aftësinë që ne të përqendrojmë më shumë burimet tona në pajisje të reja ku shumica e lojtarëve tanë po luajnë,” tha Ryan. “Ne e shohim tani që shumë prej jush janë tepër të pasionuar për të qenë në gjendje të vazhdojnë të blejnë lojëra klasike në PS3 dhe PS Vita për të ardhmen e parashikueshme, kështu që unë jam i lumtur që ishim në gjendje të gjenim një zgjidhje për të vazhduar operacionet.”
Sidoqoftë, vitrina për PlayStation Portable (e cila daton në 2004) do të mbyllet, më 2 korrik 2021, siç ishte planifikuar fillimisht. Gjitsesi pronarët e PSP kishin hyrje shumë të kufizuar në vitrinë (në një platformë që nuk është mbështetur që nga viti 2014.)
Kur Sony konfirmoi mbylljen në fund të Marsit, pronarët e PS3 dhe PS Vita ishin të shqetësuar për koleksionet e tyre dixhitale, megjithë sigurimet e Sony se e gjithë përmbajtja e blerë më parë mund të shkarkohej akoma për ato platforma. Por për shembull nëse ata nuk do të kishin blerë shtesë DLC për një lojë PS3, ata nuk do të mund ta bënin më këtë edhe nëse e zoteronin dhe luanin lojën kryesore.
Lojtarët nuk mund të kishin përdorur kartat e dhuratave përmes atyre pajisjeve dhe të gjitha paratë në llogaritë e tyre të portofolit PSN do të ishin në dispozicion vetëm për të blerë përmbajtje PlayStation 4 ose PlayStation 5.