Ndërmjet një liste të lojërave ekskluzive të tjera si Uncharted Collection nga Playstation, qëndron dhe God of War, e cila do të bëhet e aksesueshme në PC sipas një leaker-i në Twitter.
Disa lojëra të Playstation, duke përfshirë reboot-in e God of War 2018, do të aksesohen në PC sipas një informacioni që ka dalë së fundmi. Në fakt kjo nuk është hera e parë, pasi në të shkuarën, ekskluzivitetet e Playstation janë aksesuar në PC.
Vitin e kaluar, loja Horizon Zero Dawn dhe simulatori i Hideo Kojima, Death Stranding, kaluan në platformën e PC. Gjithashtu, loja popullore post-apokaliptike me zombi, Days Gone, këtë pranverë është skeduluar që të debutojë në PC.
Kohët e fundit, Sony njoftoi se më shumë lojëra ekskluzive të PlayStation do të aksesohen në PC këtë vit, por nuk u prenoncua se cilat do të ishin ato. Kjo çështje ka shkaktuar mjaft spekullime në internet për ato lojëra që lojtarët e PC duhet të presin me padurim. Shumë prej tyre, përfshirë leakers-at, kanë shprehur mendimet dhe dëshirat e tyre për kalimet e lojërave online, nga PlayStation në PC.
Njoftimi i fundit i PlayStation se shumë nga ekskluzivitetet e platformës po vijnë në PC, do të ishte i dobishëm për lojtarët, si dhe për njerëzit që i krijojnë ato. Kalimi i lojërave nga Playstation në PC do të zgjeronte numrin e fansave dhe kështu, Playstation do të vazhdonte të përfitonte një fanbase të frikshëm. Ndërkohë, të gjithë lojtarët do të kishin akses në këto lojëra. Duke qënë që janë të gjitha të famshmë, të gjithë këto tituj do të ishin kandidatë të fuqishëm për tu luajtur në platformën e PC.
Ka më shumë gjasa që Ghost of Tsushima do të kalojë në PC sepse në të njëjtën periudhë, Sony ka qenë nën zhvillimin e kalimit të Horizon Zero Dawn nga Playstation në PC.
God of War do të ketë një sequel që do të vijë në Playstation 5 këtë vit, prandaj, reboot-i i lojës 2018 në PC, mund të joshi më tepër njerëz për të blerë Playstation 5 (nëse do të arrijnë ta gjejnë një të tillë).