PlayStation do të njoftojë një lojë të re në State of Play-n e rradhës

Asnjë informacion nuk do të jepet për konsolin e rradhës gjithsesi

Sony ka njoftuar planet e tij për të mbajtur një tjetër State of Play së shpejti, i cili pritet të zbulojë një lojë të re. Stream-i do të mbahet në 9 maj, sipas njoftimit të Sony dhe sado që do vazhdojë të ketë njoftime të reja, si ai i herës së fundit, kompania e sqaroi paraprakisht se nuk do të jepte asnjë informacion rreth PS5.

Eventi mendohet të jetë mjaft i shkurtër dhe të zgjasë rreth 10 minuta. Aty do të zbulohet një lojë e re dhe më shumë informacione rreth MediEvil.

Diçka që duhet të vërejmë është loja e fjalëve që Sony ka përdorur në njoftimin e tij. Kompania thotë se do të japë informacione rreth një loje të re, por nuk specifikon nëse kjo lojë është njoftuar apo jo. Ndaj mund dhe thjesht të marrim vesh më shumë gjëra për Death Stranding përshembull. Gjithsesi misteri do të zbulohet me datë 9 maj.