Zhvilluesit e Valorant konfirmojnë ardhjen e serverave të dedikuar për tournament-et

Në seritë më të fundit të Q&A të Riot Games, zhvilluesit e Valorant diskutuan të ardhmen e skenës së esports të lojës me më shumë detaje se kurrë. Pas kaosit që shoqëroi patch 1.1, si edhe diskutimit rreth impaktit në First Strike tournament, duket se fansat kanë qenë të etur për të kuptuar se çfarë përqasjeje do të jetë Riot me turnamentet e ardhshme.

VALORANT DO TË KETË ‘TOURNAMENT REALMS’ NË TË ARDHMEN

Siç Riot Games ka vepruar edhe në League of Legends, Yurk shpjegon se do të ketë servera të dedikuara për turnamentet në të ardhmen. Të quajtur “Tournament Realms” këto servera të mbyllur do e lejojnë Riot të ketë më shumë kontroll në mjedisin ku do të zhvillohet esports.

Ai vijon të sqarojë se “ka rregulla specifike se çfarë patch-esh mund të përdoren për turnamente specifike, për të ndihmuar krijimin e mjedisit më të mirë të mundshëm për komunitetin kompetitiv. Jemi shumë të fokusuar në integritetin kompetitv dhe do të vazhdojmë të adaptojmë planet tona në bashkëpunim me të dy zhvilluesit dhe lojtarët.”

Qartazi, Yurk dhe ekipi i tij i esports janë duke u frymëzuar nga skena e League of Legends. Qartazi një nga esports më popullorë të të gjitha kohërave, është ide e mirë të ndjekshësh hapat e LoL.

Valorant, gjithsesi, është kthyer në një sukses masiv dhe ka një skenë shumë premtuese të esports që tani në hapat e saj të parë.