Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ndryshimet e reja do ta bëjnë World Of Warcraft më të lehtë për lojtarët e rinj
World Of Warcraft po mbush afërsisht 2 dekada dhe përsëri është një ndër lojërat më të pëlqyera MMORPG. Problemi më i madh i kësaj loje ka qënë përshtatja e lojtarëve të rinj. Atyre do t’iu duhej të mësonin shumë gjëra dhe të punonin shumë për të arritur një nivel të caktuar në lojë por me zgjerimin e ri që po vjen kjo gjë do të ndryshoj.
Me ndryshimet e reja që do të vijnë shumë gjëra do të ndryshojnë si për lojtarët e rinj të cilët nuk e kanë prekur kurrë ketë lojë ose zhanrin MMORPG por gjithashtu edhe për lojtarët ekzistues. Disa prej këtyre ndryshimeve janë: “level squish” nga 120 do të shkojë 60 dhe origjinali 1-60 do të ndryshoj duke u bërë 1-10 me një ndryshim total të niveleve. Ky ndryshim ka si qëllim t’iu lehtësoj punë lojtarëve të rinj. Arritja e nivelit 120 është shumë sidomos për lojtarët e rinj shprehen developers e kësaj loje. Lojtarët e rinj do të vendosen si fillim në ishullin e Exile’s Reach i cili është një ishull i vogël. Ky ishull mund t’iu hyj në punë lojtarëve të rinj duke iu mësuar gjërat bazike të lojës.
Tutorial-et janë të mjaftueshme, tepër të qarta dhe të sakta duke filluar nga mënyra e shpjegimit se si të ndërveprojnë me lojën, si të kryejnë përmirësimeve, blerja dhe shitja e items, si të luftoj dhe rolet në grupe ose dungeon dhe si të përdor dhe bashkëpunoj me NPC. Këto tutorials janë ndërtuar me qëllim të bëjnë lidhjen e lojtarëve me lojës sa më shpejt të jetë e mundshme.
Historia e Exile’s Reach është gjithashtu e thjeshtë dhe argëtuese. Pas përmbytjes së anijes do ta gjeni veten duke kërkuar për pjesëtarët e ekuipazhit ku zbuloni se ata po përdoren për të sjellë në jetë një dragua. Më pas duhet të shkoni në një udhëtim ku do të përballeni me armiq të ndryshëm dhe ku në fund do të përballeni me two-boss dungeon ku NPC që iu shoqërojnë do t’iu ndihmojnë të luftoni kundër tyre por njëkohësisht të kuptoni shumë gjëra rreth mënyrës si funksionon loja. Pas betejës në ishullin Exile’s Reach lojtarët e rinj do të shkojnë drejt Battle For Azeroth dhe më pas në Shadowlands. Lojtarët ekzistent mund të mos e bëjnë këtë gjë dhe mund të zgjedhin një vend tjetër.
Ndryshime të tjera që do të vijnë janë përmirësimi i ndërveprimit me lojën si për shembull gjatë navigimit do t’iu shfaqet një ikonë diamanti i cili do t’iu orientoj rreth vendodhjes së objektivit. Kjo gjë do të zgjidh shumë probleme pasi më përpara ikona dilte vetëm në hartë dhe shpesh sillte ngatërrime në rastet kur objektivi ishte në ndonjë shpellë. Ndryshim tjetër i cili do t’i ndihmoj shumë lojtarët e rinj është sistemi i ri i niveleve. Me ketë sistem ata do të munden të shkojnë nga 1 në 10 brenda një kohe të shkurtër dhe duke iu lehtësuar punë lojtarëve të rinj dhe njëkohësisht duke i bërë me familjarë me lojën.
