Ju do të merrni Watch Dogs 2 falas edhe nëse nuk bëtë dot log in për Ubisoft Forward

Javën e shkuar Ubisoft njoftoi se kushdo që shikonte Ubisoft Forward do të merrte një kopje falas të Watch Dogs 2, por e vetmja mënyrë që kjo të funksiononte ishte që të bëje log in në Uplay dhe ta shikoje që aty. Fatkeqësisht për shumë lojtarë që e bënë këtë gjatë prezantimit 45 minutësh, kjo nuk funksionoi. Lajmi i mirë është që Ubisoft do të sigurohet që pavarësisht kësaj, të gjithë të marrim një kopje falas.

Adresa zyrtare e Ubisoft Support postoi në Twitter pak pas Ubisoft Forward se të gjithë do të merrnin një kopje të Watch Dogs 2 në PC, “edhe nëse nuk ishit në gjendje që të bënit log in në mënyrë të suksesshme.” Ky do të vijë si një lajm i mirë për këdo që po përpiqej vazhdimisht të fuste kredencialet e tyre vazhdimisht në ekranin e login të Ubisoft gjatë prezantimit.

Ubisoft nuk tregoi detaje specifike se si planifikonte që të sillte kopje për të gjithë, kur lojtarët mund të presin që ta shohin lojën në adresën e tyre. Deklarata zyrtare për momentit thotë: “Mos u shqetësoni!”

Nëse doni të informoheni se çfarë ndodhi në Ubisoft Forward, lexoni artikullin tonë përmbledhës të këtij eventi. Këtu Ubisoft zbuloi se beta e Hyper Scape është momentalisht live dhe se mund të filloni ta luani këtë battle royale që tani. Ubisoft gjithashtu njoftoi datën e lançimit të Far Cry 6 bashkë me një trailer të ri.