Valorant zbulon detaje rreth Act 3

Valorant Act 3 pritet të vijë së shpejti dhe Riot po nxjerr në dritë disa detaje se çfarë do të sjellë së shpejti

Gjatë ditës së djeshme, account zyrtar i Valorant postoi në Twitter një imazh bashkë me një mesazh “Deshifrojeni këtë”. Imazhi në fjalë përfshinte disa fjalë nga gjuhë të ndryshme si arabisht, rusisht dhe turqisht bashkë me kodin “3A” që na bën të mendojmë se do të thotë Act 3.

Mesazhi i përfshirë në imazhin e postuar në Twitter  i përkthyer në shqip është “Është ftohtë atje, merr një pallto dhe harro armën.” Në imazh mund të shihen edhe disa male me dëborë në disa pjesë të saj.

Kjo mund të thotë se një hartë me dëborë do të vijë së shpejti, por Riot ka bërë të ditur që hartat e reja do të vijnë gjatë çdo episodi të ri që do të lançohet. Me pak fjalë, nuk do të kemi një hartë të re derisa një episod i ri të vijë që do të thotë se do të na duhet të presim edhe disa muaj derisa Act 3 të mbaroj. Gjatë Act gjithmonë vijnë agent të rinj dhe agent i cili do të vijë ketë Act mund të jetë dikush nga vendet e ftohta.