T1 shton ish-lojtarin e CS:GO Food në ekipin e Valorant

Ky është lojtari i katërt i T1 për Valorant

T1 ka bërë një tjetër lëvizje për të mbushur ekipin e tyre të Valorant. Organizata ka firmosur me ish-lojtarin profesionist të CS:GO, Victor “Food” Wong, i cili ka luajtur me Swole Patrol, eUnited dhe Team Singularity.

Food luajti me Swole Patrol për rreth 3 muaj këtë vit, ndërkohë që midis dy periudhave të tij tek ky ekip luajti me eUnited, me të cilët Food arriti top 8 në ESL One New York dhe vendin e 10 në ESL Pro League.

Në ekipin e T1 të Valorant ndodhen ish-lojtarët e CS:GO Keven “AZK” Larivière, Austin “Crashies” Roberts dhe Braxton “Brax” Pierce, ish-miku i tij tek Swole Patrol. Ekipi do të drejtohet nga Daniel “fRoD” Montanet, ish-trajneri i Swole Patrol dhe Lazarus Esports.

Food dhe miqtë e tij të T1 nuk janë të vetmit që e kanë bërë këtë kalim. Kapiteni i Swole Patrol, Ryan “Freakazoid” Abadir gjithashtu njoftoi që do të luante Valorant. Lojtarë profesionistë të Overwatch gjithashtu e kanë bërë këtë kalim, ku këtu përfshihet kampioni i tanishëm dhe MVP i sezonit Sinatraa.

Ndërkohë që Riot Games ka arritur suksesin me League of Legends esports, duket se edhe Valorant po ecën me ritme të mira.