Zbulohen pamjet e para të Ascent, hartës së re të Valorant

Janë zbuluar layout-i dhe pamjet e para të saj

Reyna, agjentja e njëmbëdhjetë e Valorant, ka qënë padyshim qëndra e vëmendjes për lojtarët prej disa ditësh. Megjithatë, përveç saj, kanë filluar të qarkullojnë edhe zëra rreth hartës së re të lojës, e cila mesa duket do të quhet Ascent.

Vetë Riot konfirmoi se një hartë e re do të vijë në lojë kur ajo të lançohet, por deri më tani nuk ka asnjë informacion zyrtar. Megjithatë, trailer-i i gameplay të Reyna ka zbuluar më shumë seç pritej.

Nëse bëni lidhjen midis trailer-it dhe layout-it të hartës, mund të shikoni se Reyna është duke parë drejt B-Main. Pasi vret Cypher, ajo shkon drejt Switch ku vret Breach dhe dikë tjetër në Courtyard.

Pas kësaj, ajo shkon drejt Anchor përpara se të vrasë edhe dy agjentë të tjerë që vrapojnë drejt Courtyard.

Edhe pse ky është gameplay i parë që mund të kemi parë nga Ascent, Riot e ka bërë tease hartën edhe më parë gjatë një videoje. Nëse shikoni radarin në cep lart majtas, do të vini re se është i njëtji me layout-in më lart dhe se zhvilluesit ndodhen në spawn-in e Defenders.

Megjithatë, ende na duhet të presim për një konfirmim zyrtar nga Riot Games.