Torchlight 2 është momentalisht falas në Epic Games Store

Rradhën e ka Tacoma.

Një javë e re, një tjetër lojë falas në Epic Store. Këtë javë na vjen një lojë e vjetër, por e mirë, në formën e RPG shumë të dashur nga Runic Games, Torchlight 2.

Runic Games, që fatkeqësisht i mbylli dyert e studios në 2017n, është formuar nga një numër veteranësh të industrisë përfshirë këtu vëllezërit Max dhe Erich Schaefer, krijuesit e serive të Diablo dhe të lojës origjinale të Torchlight.

Torchlight 2, që u lançua në 2012, e çoi edhe më tej formulën e mirë të lojës së parë, duke sjellë një projekt të vlerësuar shumë mirë nga kritika dhe të vendosur në një botë vibrante e të mirëmenduar.

Torchlight 2 është falas për ta shtuar në librarinë tuaj të Epic Games Store dhe do të vazhdojë të qëndrojë falas deri të enjten e 23 korrikut. Pasi kjo ofertë të mbarojë, një tjetër lojë falas do të vazhdojë rotacionin.