Themeluesi i Alienware largohet nga Dell për të ‘rritur industrinë e gaming’ diku tjetër

Nëse thashethemet janë të sakta, ai mund të përfundojë te AMD.

Frank Azor, një nga themeluesit e brandit Alienware, që Dell mori në 2006n, do të largohet nga kompania në korrik për të “ndërmarrë një sfidë të re.” Nuk është fort e qartë se ku do të përfundojë ekzaktësisht, por thashethemet thotë se Azor ka pranuar rolin e Chief Gaming Officer në AMD.

Brandi i Alienware shkon mbrapa në kohë deri në 1996. Në atë kohë Dell bleu Alienware dhe vazhdoi të ofronte produkte me performancë të lartë dhe PC, laptope dhe paisje periferike nën emrin e Alienware. Edhe në këtë ditë Alienware ekziston si një familje produktesh nga linja e Dell XPS.

Në rolin e tij të tanishëm te Dell, Azor ka shërbyer si menaxheri i Alienware, i Gaming dhe i XPS në Dell. Ai ka qenë një pjesë e madhe e përpjekieve që Dell ka bërë në zonën e PC Gaming, përfshirë këtu edhe modelin ekonomik Inspiron Gaming që kompania lançoi në 2017.

Azor e njoftoi largimin e tij në Twiter dhe në një postim të forumet e Alienware Arean. Në Twitter ai shprehet se: “Ka gjetur një mundësi për të ndihmuar në rritjen e industrisë së gaming.” Gjithsesi nuk e ka qartësuar se për ku do të niset. Nëse ai vërtet shkon te AMD, do të jetë një fitore masive për kompaninë.

Kur marrim parasysh historinë e gjatë që Azor ka patur me Alienware, mund të marrim me mend që ky vendim nuk është gjëja më e lehtë për të, por do të shpresojmë që ai realisht të jetë i kënaqur me zgjedhjet e tij dhe sigurisht të sjellë diçka tjetër të bukur për industrinë e gaming.