Satisfactory është një ekskluzive e Epic Games Store

Satisfactory është për momentin e disponueshme në Epic Games Store për pre-purchase.

Coffee Stain Studios ka njoftuar lojës e saj të re Satisfactory, e cila do të lançohet në early acces me 19 mars. Loja ka qenë në stadin e mbyllur të alpha që në tetor të 2018s dhe më vonë gjatë këtij muaji do të lançohet në PC si një ekskluzive e Epic Games Store.

Satisfactory është një lojë open-world ku lojtarët janë ngarkuar me detyrën e gërrmimit të resurseve të një planeti alien me qëllim plotësimin e një projekti sekret për bossat tuaj në FICSIT Inc. Filloni duke mbledhur materiale si gurë ose drru dhe dalngadalë arrini në pikën ku do të ndërtoni edhe makineri të rënda. Loja luhet në first-person.

“Jemi një skuadër e vogël dhe Satisfactory është një projekt shumë ambicioz dhe me nënkuptim për ne,” tha regjizori i lojës Oscar Jilsén në një konferencë për shtyp.

“Do të ketë të meta dhe bugs-a por kemi arritur në pikën e zhvillimit ku loja është boll e qëndrueshme për të ofruar një eksperiencë fantastike dhe mezi po presim që ti ftojmë lojtarët të na bashkohen në këtë Early Access emocionues.”

Kur u pyet për lançimin e lojës në Epic Games Store u shpreh: “Ka një dallim të madh nga Goat Simulator dhe është deri tani projekti më i madh që kemi bërë ndonjëherë. Ekskluziviteti i lojës për në Epic është 12 muaj. Se çfarë do të bëjmë pas asaj nuk e dimë. As nuk e kemi menduar fare.”

“Kemi kohë që punojmë me Epic. Që përpara se Coffee Stain të dëgjohej si emër, ndaj relatat janë shumë të mira.”

Satisfactory është për momentin e disponueshme në Epic Games Store për pre-purchase në çmimin e $29.95/€29.99.