Riot do të rrisë ndëshkimet për dodge në League of Legends

Mesa duket të bësh dodge nuk do t’ja vlejë më

Bërja dodge në League of Legends do të mbetet diçka nga e shkuara. Dizenjuesi kryesor i gameplay Mark “Scruffy” Yetter shpjegoi ndryshimet që do të vijnë në matchmaking në një dev post përpara pak ditësh. Edhe pse Riot mendon se dodging është ok kur bëhet rrallë, ata mendojnë se përdorimi i tepërt i kësaj mekanike duhet të ndëshkohet.

Për të luftuar doding, Riot do të rrisë  timeout-in për dodge të njëpasnjëshme, në mënyrë që të penalizojë lojtarët që e përdorin këtë mekanikë shpesh. Kjo do i detyrojë lojtarët të qëndrojnë në lobby, me qëllim që të mos penalizohen dhe të mos kenë mundësi të luajnë për një kohë të gjatë.

LP-të e humbura për dodge gjithashtu do të rriten. Momentalisht, lojtarët humbasin 3 LP pas dodge-it të parë të ditës dhe për çdo dodge tjetër 10 LP. Riot ende nuk e ka thënë se sa do të rritet ky numër, por padyshim që do të jetë një shifër e madhe.

Bërja dodge e lojërave të këqija është një metodë shumë e mirë për të bërë climb. Për lojtarët që shikojnë se ekipi i tyre ka lojtarë autofill ose kampionë që nuk dinë t’i luajnë, të humbasësh 3 LP është më mirë se 18 për një humbje. Dodge gjithashtu mund të të lejojë të shmangësh lojtarë toksikë ose të të shpëtojë nga ndeshje autofill.

Rritja e ndëshkimit nga dodging do t’ja heqë lojtarëve këtë mundësi, por ndryshimet e bëra tek autofill dhe duos duhet t’i bëjnë ndeshjet më të balancuara.