Riot do të përpiqet të lançojë kampionë më të balancuar në LoL

Gjatë kohëve të fundit, kampionët e rinj kanë dominuar tërësisht meta-n e lojës

Mesa duket, kampionët e rinj të League of Legends nuk do të jenë kaq dominues në meta në të ardhmen. Dizenjuesi kryesor i LoL Mark “Scruffy” Yetter foli për kampionët e rinj dhe rework-et në dev post gjatë ditës së djeshme. Duke qënë se këta kampionë kanë dominuar solo queue gjatë kohëve të fundit, Riot do të përdorë dy taktika për t’i balancuar ata.

Sipas tij, ata nuk duan që lojtarët të ndihen sikur duhet të blejnë patjetër kampionët e rinj për të qënë kompetitivë. Fokusi i parë i Riot është që të arrihet balancimi për një kohë të gjatë. Pra, zhvilluesit të kalojnë të paktën disa muaj ose edhe vite pa dashur ta bëjnë buff ose nerf një kampion. Edhe pse kampionët e rinj do të kenë winrate të ulët fillimisht, ai duhet të rritet me kalimin e kohës ndërkohë që lojtarët mësohen me ta.

Strategjia e dytë është më agresive dhe më e shpejtë. Senna, Aphelios dhe Sett kanë dominuar që prej lançimit të tyre, sidomos në high elo. Kjo detyroi Riot që t’i bënte nerf ata vazhdimisht çdo patch, derisa ata u balancuan. Për ta shmangur këtë gjë, Riot planifikon të sjellë nerfs më të mëdha dhe më të përgjithshme për kampionë shumë të fuqishëm.

Edhe pse gjithçka duket shumë mirë në teori, Scruffy pranon se është e vështirë të nxjerrësh një kampion plotësisht të balancuar përpara se lojtarët të kenë mundësi ta luajnë atë. Prandaj, shumica e kampionëve do të bëhen buff ose nerf pasi të lançohen gjithsesi.

Në të shkuarën, Riot lançonte kampionë të rinj që ishin më të fuqishëm për t’i dhënë mundësi lojtarëve t’i luanin pa u ndjerë në disavantazh. Megjithatë, kjo gjë ka qënë shumë problematike në high elo, me lojtarët e mirë që menjëherë arritën t’i abuzonin ata duke dominuar lojëra. Duket se Riot ka hequr dorë nga kjo gjë, të paktën për disa kohë.